الماتىدا شەتەل ازاماتتارىنان اۋەجايدان قوناق ۇيگە دەيىن 800 دوللار العان تاكسيست جازالاندى

None
الماتى. قازاقپارات - الماتىدا شەتەل ازاماتتارىن اۋەجايدان قوناق ۇيگە دەيىن 800 دوللارعا جەتكىزگەن تاكسي جۇرگىزۋشىسى جازالاندى، دەپ حابارلايدى قازاقپارات ءتىلشىسى.

بوستاندىق اۋداندىق پوليتسيا باسقارماسىنا ءۇندى ازاماتتارى ارىزداندى.

بەلگىلى بولعانىنداي، 21-مامىر كۇنى الماتى حالىقارالىق اۋەجايى ماڭىندا جەكە تاكسي قىزمەتىن ۇسىناتىن ەر ادام ءوز كولىگىنە ءۇندى ەلىنەن كەلگەن تۋريستەردى وتىرعىزىپ، قوناق ۇيگە دەيىن 1 مىڭ تەڭگەگە اپارىپ تاستاۋعا ۋادە بەرگەن.

الايدا، مەجەلى جەرگە جەتكەندە ول تۋريستەردەن 1180 دوللار سۇراعان. كەرى جاعدايدا سومكەلەرىن بەرمەيتىنىن ايتىپ، قوقان-لوقى كورسەتكەن. ءسويتىپ شەتەلدىكتەر جۇرگىزۋشىگە 800 دوللار بەرۋگە ءماجبۇر بولعان.

سول كۇنى تۋريستەر «102» نومىرىنە حابارلاسىپ، بوستاندىق اۋدانى پوليتسيا باسقارماسى باسشىسىنىڭ اتىنا ارىز جازدى. كەلەسى كۇنى ولار كولسايعا بارعان.

الماتىدان 300 شاقىرىم جەردەن شەتەلدىكتەر تاعى دا سول تاكسي جۇرگىزۋشىسىن كورگەن.

پوليتسەيلەر 27 جاستاعى جىگىتتى ۇستادى. وعان قاتىستى ق ر قىلمىستىق كودەكسىنىڭ 194-بابى (بوپسالاۋ) بويىنشا قىلمىستىق ءىس تىركەلدى.

«ءوز كىناسىن تولىق مويىنداعان ول شەتەل ازاماتتارىنا كەلتىرىلگەن شىعىندى وتەپ بەردى. تاكسي جۇرگىزۋشىسىنىڭ كولىگى جول ءجۇرۋ ەرەجەلەرىن بۇزعانى ءۇشىن جانە تولەنبەگەن ايىپپۇلىنا بايلانىستى ارنايى تۇراققا قويىلدى»، - دەپ حابارلادى ۆەدومستۆودان.

بۇعان دەيىن شەتەل ازاماتىن اۋەجايدان ماركوۆ كوشەسىنە دەيىن 400 ەۋروعا جەتكىزگەن تاكسي جۇرگىزۋشىسى جازالانعان بولاتىن.

سوڭعى جاڭالىقتار