ليونەل مەسسي سپورت مانسابىنداعى 800 ءىنشى گولىن سوقتى

استانا. قازاقپارات - ارگەنتينا قۇراماسى جانە «پ س ج» كومانداسىنىڭ شابۋىلشىسى ليونەل مەسسي سپورتتىق جولىنداعى 800 ءىنشى گولىن سوقتى، دەپ حابارلايدى قازاقپارات ءتىلشىسى.

championat.com سايتىنان الىنعان مالىمەتكە قاراعاندا، مەسسي كلۋبتار ساپىندا 701 ۇلتتىق قۇرامادا 99 رەت مەرگەندىك تانىتتى.

بۇگىن ارگەنتينا مەن پاناما قۇرامالارى ءوزارا جولداستىق كەزدەسۋ وتكىزىپ، الاڭ يەلەرى 2:0 ەسەبىمەن جەڭىسكە جەتتى. 89-مينۋتتا ليونەل مەسسي ماتچ نۇكتەسىن قويدى.

مەسسي ارگەنتينا قۇراماسىنا 2005 -جىلدان بەرى شاقىرىلىپ كەلەدى. سودان بەرى ۇزدىك سۇرمەرگەن رەتىندە كوزگە ءتۇسىپ، 2022 -جىلى قاتاردا وتكەن الەم بىرىنشىلىگىندە كاپيتاندىق تىزگىندى ۇستاپ، جەڭىمپاز اتاندى. سونداي- اق ول سول بىرىنشىلىكتىڭ ۇزدىك ويىنشىسى بولدى.

ەسكە سالا كەتەيىك، بۇدان بۇرىن كريشتيانۋ رونالدۋدىڭ ءبىرىنشى بولىپ ۇلتتىق قۇرامانىڭ رەسمي ماتچتارىندا 100 گول سوققانىن جازعان بولاتىنبىز.