13:53, 06 - ناۋرىز 2023 | GMT +6
جەڭىس مەرەكەسىندە ەلوردالىق ارداگەرلەرگە 800 مىڭ تەڭگە الەۋمەتتىك كومەك كورسەتىلەدى
استانا. قازاقپارات – 9- مامىر - جەڭىس كۇنىنە وراي ەلوردالىق سوعىس ارداگەرلەرىنە 800 مىڭ تەڭگە الەۋمەتتىك كومەك كورسەتىلمەك.
بۇل تۋرالى «اشىق» ن ق ا پورتالىندا جاريالانعان استانا قالاسى ماسليحاتىنىڭ شەشىم قۇجاتىندا جازىلعان، دەپ حابارلايدى قازاقپارات ءتىلشىسى.
«استانا قالاسىندا تىركەلگەن جانە تۇراقتى تۇراتىن ءاربىر سوعىس ارداگەرىنە وتان سوعىسىنداعى جەڭىس كۇنىنە قوسىمشا 800000 تەڭگە مولشەرىندە الەۋمەتتىك كومەك كورسەتىلسىن. ال وتان سوعىسىندا قازا تاپقان جاۋىنگەرلەردىڭ ەكىنشى رەت نەكەگە تۇرماعان جەسىرلەرىنە قوسىمشا 30000 تەڭگە مولشەرىندە الەۋمەتتىك كومەك كورسەتىلسىن»، - دەلىنگەن قالالىق ماسليحاتتىڭ شەشىمىندە.
قۇجاتتى اشىق تالقىلاۋ 24- ناۋرىزعا دەيىن جالعاسادى.
اۆتور
ءاليحان اسقار