جىل باسىنان بەرى قازاقستانعا 800 مىڭعا تارتا وزبەكستاندىق تۋريست كەلگەن

تاشكەنت. قازاقپارات - قازاقستان وزبەكستاندىقتار ءۇشىن ەڭ تانىمال ەكىنشى تۋريستىك باعىتقا اينالدى، دەپ حابارلايدى قازاقپاراتتىڭ مەنشىكتى ءتىلشىسى.

وزبەكستان مەملەكەتتىك ستاتيستيكا كوميتەتىنىڭ مالىمەتىنشە، 1- قازانداعى كورسەتكىش بويىنشا بيىل 3,9 ميلليون وزبەك تۋريستىك ماقساتپەن شەتەلگە شىققان.

وزبەكستان ازاماتتارى كوبىنە كورشى ەلدەرگە بارادى. ولاردىڭ ەڭ كوپ باراتىنى قىرعىزستان، وندا 1877 مىڭ وزبەك بارعان.

تۋريستەردىڭ قىزىعۋشىلىعىن ارتتىرعان ەكىنشى باعىت قازاقستان بولدى. جىل باسىنان بەرى ەلىمىزگە وزبەكستاننىڭ 774,1 مىڭ ازاماتى كەلگەن.

ءۇشىنشى ورىندا تاجىكستان. 535,1 مىڭ وزبەكستاندىق تۋريست تاجىكستاندى تاڭداعان.

ءتورتىنشى جانە بەسىنشى قاتاردا تۇركيا مەن رەسەي تۇر. بۇل ەلدەرگە تيىسىنشە 239,1 مىڭ جانە 195,7 مىڭ وزبەكستاندىق تۋريست كەلگەن.

بۇعان دەيىن اعىمداعى جىلدىڭ 8 ايىندا وزبەكستانعا 900 مىڭنان استام قازاقستاندىق تۋريست بارعانىن حابارلاعان بولاتىنبىز.

اۆتور

سماعۇلوۆا ەركەجان