تۇركىستاندا 800 شارشى مەتر جيھاز شىعاراتىن شەبەرحانا ورتەنىپ كەتتى

تۇركىستان. قازاقپارات - تۇركىستاندا جيھاز شىعاراتىن شەبەرحانا ورتەندى، دەپ حابارلايدى قازاقپارات ءتىلشىسى.

وبلىستىق ت ج د باسپا ءسوز قىزمەتىنىڭ مالىمەتىنشە، ءورت بۇگىن كۇندىز ساعات 15:26 دا تۇتانعان. وقيعا ورنىندا جەدەل شتاب توبى قۇرىلىپ، جۇمىس ىستەۋدە. ءورت ساعات 16:36 دا وقشاۋلاندى.

«ءورت سوندىرۋشىلەر وقيعا ورنىنا كەلىپ جەتكەن بويدا، قويمادا جيھاز زاتتارىنىڭ ورتەنىپ جاتقانى انىقتالدى. ءورتتىڭ كولەمى الدىن الا بولجام بويىنشا 800 شارشى مەتردى قۇراعان. ال، قويمانىڭ جالپى اۋدانى 2300 شارشى مەتر. قازا بولعاندار مەن زارداپ شەككەندەر جوق. ءورتتىڭ شىعۋ سەبەبى انىقتالۋدا» دەلىنگەن حابارلامادا.

جەرگىلىكتى حالىق جۇمىلىپ، شەبەرحاناداعى زاتتاردى سىرتقا شىعارۋعا كومەكتەستى. ايتا كەتەيىك، شەبەرحانا جەكە ۇيلەردىڭ ورتاسىندا ورنالاسقاندىقتان تۇرعىن ۇيلەرگە قاۋىپ تۋعان.