+7 (701) 759 90 19
29 °С : نۇر-سۇلتان
35 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقستاندا كۇنىنە 800 توننادان استام قۇس ەتى وندىرىلەدى

1 شىلدە 12:14
:ءبولىسۋ
قازاقستاندا كۇنىنە 800 توننادان استام قۇس ەتى وندىرىلەدى

نۇر-سۇلتان. قازاقپارات - جىل باسىنان بەرى ەلىمىزدە قۇس ەتىنىڭ ءوندىرىسى وتكەن جىلمەن سالىستىرعاندا 6,3 پايىز ءوستى.

قاڭتار مەن مامىر ارالىعىندا 100 مىڭ تونناعا جۋىق ءونىم ءوندىرىلدى، دەپ حابارلايدى ق ر اۋىل شارۋاشىلىعى مينيسترلىگىنىڭ باسپا ءسوز قىزمەتى.

قازاقستاندا قۇس ەتىن 24 قۇس فابريكاسى شىعارادى. كۇن سايىن ولار 800 تونناعا دەيىن ءونىم وندىرەدى. اقمولا وبلىسىندا - 200 توننادان استام، الماتىدا - 350 گە جۋىق، اقتوبە مەن اتىراۋدا - 7 تونناعا، شىعىس قازاقستان وبلىسىندا - 130، باتىس قازاقستان، جامبىل جانە قاراعاندى ​​وبلىستارىندا - 20 دان استام، قوستاناي جانە پاۆلودار -14، س ق و - 6، و ق و - 45 تونناعا جۋىق.

جىل سوڭىنا دەيىن بارلىق شارۋاشىلىق 300 مىڭ تونناعا جۋىق ەت وندىرەدى دەپ كۇتىلۋدە.

ايتا كەتۋ كەرەك، 2019-جىلى رەسپۋبليكادا 223 مىڭ توننا قۇس ەتى ءوندىرىلدى، ال 2018-جىلى 192 مىڭ توننا .

ءوندىرىستىڭ تۇراقتى وسۋىنە بايلانىستى قۇس ەتىنىڭ يمپورتى 4 پايىزعا ازايدى. 2018-جىلى 49 پايىز بولسا، 2019-جىلى 45 پايىزعا ءتۇستى.

ەت ءوندىرىسىن دامىتۋ باعدارلاماسىن جۇزەگە اسىرۋمەن، سونىمەن قاتار قۇس ەتىن ءوندىرۋدى مەملەكەتتىك قولداۋ شارالارى جۇيەلى جۇرگىزىلگەندىكتەن قۇس شارۋاشىلىعى ءوزىنىڭ ءتيىستى ناتيجەسىن بەردى.

اتاپ ايتقاندا، قۇس ەتىن ودان ءارى يمپورتتى الماستىرۋعا ارنالعان قۇس شارۋاشىلىعىن دامىتۋ باعدارلاماسى اياسىندا جاڭا قۇس فابريكالارىن سالۋ جانە قولدانىستاعى مودەرنيزاتسيانى قارجىلاندىرۋ شارالارى قابىلدانۋدا.

بۇگىندە قازاقستاندا 5 قۇس فابريكاسىنىڭ قۇرىلىسى جالعاسۋدا. سونداي-اق، الماتى، اتىراۋ جانە قوستانايداعى قۇس فابريكالارىن جوندەۋ بويىنشا جۇمىس جۇرگىزىلۋدە. ەلىمىزدەگى جوعارى ساپالى ءونىم وندىرەتىن قازىرگى زامانعى قۇس فابريكالارىنىڭ ءبىرى شىمكەنت قالاسىندا ورنالاسقان.

«شىمكەنت قۇس» ج ش س 14 جىلدان بەرى جۇمىرتقا مەن برويلەر ەتىن ءوندىرىپ كەلەدى. زاۋىتتا جىلىنا 115 ميلليون جۇمىرتقا جانە 2 مىڭ توننا ەت وندىرىلەدى. قازىر قۇستاردىڭ جالپى سانى 600 مىڭنان اسادى، ولاردىڭ ىشىندە 400 مىڭعا جۋىعى تاۋىقتار، 92 مىڭنان استام باس جانۋار مەن 115 مىڭ برويلەر بار. كومپانيا 320 ادامدى جۇمىسپەن قامتىپ وتىر، ولاردىڭ ورتاشا جالاقىسى 105 مىڭ تەڭگە.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات