بورانعا بايلانىستى جابىلعان ەڭ ۇزىن جول 800 شاقىرىمنان اسادى

نۇر-سۇلتان. قازاقپارات - بورانعا بايلانىستى ەلىمىزدىڭ ءبىرقاتار وڭىرىندە جول جابىق. «قازاۆتوجول» ا ق كولىك قوزعالىسىنا شەكتەۋ قويىلعان ەڭ ۇزىن جولدى اتادى، دەپ حابارلايدى قازاقپارات.

سوڭعى اقپارات بويىنشا، اۋا رايىنىڭ قولايسىزدىعىنا بايلانىستى ەلىمىزدەگى اۆتوجولداردىڭ 10 ۋچاسكەسىندە كولىك قوزعالىسىنا شەكتەۋ قويىلعان.

«كەشە جالپى ۇزىندىعى 4714 شاقىرىم بولاتىن 37 ۋچاسكەدە جانە پاۆلودار وبلىسى بويىنشا بارلىق باعىتتاردا اۆتوجولدار جابىق بولعان. 17- قاڭتار كۇنى جابىلعان ەڭ ۇزىن تاسجول - «الماتى- ەكاتەرينبۋرگ» (830 شاقىرىم) بولسا، بۇگىندە - «قاراعاندى-اياگوز-بۇعاز» جولى (494 شاقىرىم). بارلىق جۇرگىزۋشىلەردى جول ەرەجەلەرىن ساقتاپ، ارنايى كولوننا قاتارىنان شىقپاۋىن سۇرايمىز» دەلىنگەن حابارلامادا.

قازىرگى ساتتە رەسپۋبليكا جولدارىندا 818 تەحنيكا قارقىندى جۇمىس ىستەپ جاتىر.