شەتەلدىك كولىكتى تىركەۋ: ءبىر كۇندە 800 گە جۋىق قوڭىراۋ سوعىلدى

None
None
نۇر-سۇلتان. قازاقپارات – ءى ءى م- ءنىڭ شەتەلدىك اۆتوكولىكتى تىركەۋ بويىنشا تىكەلەي جەلىسى اشىلعاننان بەرى 800 گە جۋىق قوڭىراۋ كەلىپ ءتۇستى.

بۇل تۋرالى قازاقپارات اتالعان مينيسترلىكتىڭ باسپا ءسوز قىزمەتىنە سىلتەمە جاساپ حابارلايدى.

تەلەفوندىق وتىنىشتەر وتە كوپ بولدى، جەلىدەگى جۇكتەمەنىڭ شامادان تىس كوپ بولۋىنا بايلانىستى ءبىرقاتار ازاماتتار حابارلاسا المادى. كونسۋلتاتسيانىڭ ورتاشا ۇزاقتىعى شامامەن 3 مينۋتتى قۇرادى.

قوڭىراۋلار قازاقستاننىڭ ءار تۇكپىرىنەن ۇزدىكسىز كەلىپ ءتۇستى، ولاردىڭ باسىم بولىگى - شەكارا ماڭىنداعى وبلىستاردان.

«نەگىزىنەن قوڭىراۋ شالعان ازاماتتار قازاقستان ازاماتتارىنىڭ شەتەلدەردەن ساتىپ العان جانە ەلىمىزدىڭ اۋماعىنا اكەلىنگەن اۆتوكولىكتى تىركەۋ تارتىبىنە قىزىعۋشىلىق تانىتتى. سونداي-اق تىركەۋدەن وتپەگەن جاعدايدا مۇمكىن بولاتىن زارداپتار تۋرالى سۇرادى. ءبىز بۇگىن ەرتەڭگى كۇنگە دەيىن تىكەلەي جەلىنىڭ شامادان تىس جۇكتەلۋى ازايادى دەپ ويلايمىز، ويتكەنى بۇكىل ەل بويىنشا «جولداعى قابىلداۋ» رەسپۋبليكالىق اكتسياسى باستالادى»، - دەدى ءى ءى م كاپ باسقارماسىنىڭ باستىعى يۋري كوزلوۆ.

بۇعان دەيىن، ق ر ىشكى ىستەر مينيسترلىگى قازاقستان ازاماتتارىنىڭ شەتەلدەردەن ساتىپ العان جانە ەلىمىزدىڭ اۋماعىنا اكەلگەن اۆتوكولىكتەرىن تىركەۋ ماسەلەلەرىن ءتۇسىندىرۋ ءۇشىن «قاۋىرت جەلى» تەلەفون جەلىسىن ىسكە قوسىلعانى تۋرالى حابارلاعان بولاتىنبىز.

سوڭعى جاڭالىقتار