+7 (701) 759 90 19
-3 °С : نۇر-سۇلتان
2 °С : الماتى
USD 378.60 EUR 417.75
RUB 6.13 CNY 54.58
جاڭالىقتار

اقتوبەدە جولداردى قاردان تازارتۋعا 800 ميلليون تەڭگەدەن استام قارجى جۇمسالدى

16 قاڭتار 08:30
:ءبولىسۋ
اقتوبەدە جولداردى قاردان تازارتۋعا 800 ميلليون تەڭگەدەن استام قارجى جۇمسالدى

اقتوبە. قازاقپارات - اقتوبە جولدارىن قاردان تازارتۋعا وتكەن جىلمەن سالىستىرعاندا بيىل ەكى ەسە كوپ قارجى ءبولىندى، دەپ حابارلايدى قازاقپارات ءتىلشىسى.

ق ر سىبايلاس جەمقورلىققا قارسى ءىس-قيمىل اگەنتتىگى «ساپالى جول» جوباسىن قولعا الدى. وڭىردە «اقتوبە - ادالدىق الاڭى» جوبالىق كەڭسەسىنىڭ مۇشەلەرى قالالىق تۇرعىن ءۇي - كوممۋنالدىق شارۋاشىلىق ءبولىمىنىڭ وكىلدەرىمەن بىرگە مونيتورينگ جۇرگىزدى.

«مونيتورينگ جۇمىسى بارىسىندا ارنايى توپ قالاداعى و. كوشەۆوي، ت. رىسقۇلوۆ، جەڭىس داڭعىلى، گريشينا، ءابىلقايىر حان داڭعىلى جانە مارەسيەۆا كوشەلەرىنىڭ قاردان تازالاۋ جۇمىستارىنىڭ ساپاسىن باقىلادى. كوشەلەردە جول جيەگىندەگى قار الىنباعان. قالادا 8 مەردىگەر مەكەمە بار، وندا 160 ادام جۇمىس ىستەپ ءجۇر. جۇمىسشى سانى از، مەردىگەرلەر ۇلگەرمەي جاتىر. ەگەر قار تازارتىلماسا، كوكتەمدە كوشەنى سۋ باسادى. بۇل جۇمىستارعا بيىل بيۋدجەتتەن 819 ميلليون تەڭگە بولىنگەن ەكەن»، - دەدى «اقتوبە - ادالدىق الاڭى» جوبالىق كەڭسەسىنىڭ جەتەكشىسى جانبولات تورتايەۆ.

«اقتوبە - ادالدىق الاڭى» جوبالىق كەڭسەسى مونيتورينگ جۇمىستارىن جالعاستىرادى.

«قالا مەن اۋماقتاعى 5 ەلدى مەكەندى كۇتىپ ۇستاۋ جۇمىسى ءجۇرىپ جاتىر. ءبارى كۇندىز- ءتۇنى جۇمىس ىستەپ، قار جاۋعان كۇنى اكىمدىك قىزمەتكەرلەرى كەزەكشىلىككە تۇرادى. ءبىرىنشى كەزەكتە اۆتوبۋس جۇرەتىن، الەۋمەتتىك نىساندار ورنالاسقان كوشەلەر تازارتىلادى. كەيدە تراكتورلار كولىك جۇرەتىن جولدى تازارتىپ، ادام جۇرەتىن جەرگە قار ءۇيىپ تاستايدى. جەكە تۇرعىن ۇيلەر وزدەرى پوليگونعا تاسۋعا مىندەتتى. ءبىراق اۋلاسىنان شىعارىپ، ءۇيىپ قويسا ەشكىم شارا قولدانا المايدى»، - دەدى باسشىسىنىڭ ورىنباسارى دانيار ايماعامبەتوۆ.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات