قالىڭ قار سالدارىنان 800 اۋە رەيسى توقتاتىلدى

None
None
نۇر-سۇلتان. قازاۇقپارات – ا ق ش-تا ەلدىڭ شىعىس جاعالاۋىنا تۇسكەن قالىڭ قار سالدارىنان 800 دەن اسا اۋە رەيسى توقتاتىلدى، دەپ حابارلايدى قازاقپارات CNN-گە سىلتەمە جاساپ.

تەلەكومپانيانىڭ مالىمەتى بويىنشا، قالىڭ قار سالدارىنان 6 مىڭعا جۋىق ىشكى جانە حالىقارالىق رەيستەر كەشىكتىرىلىپ جاتىر.

امەريكالىق Delta Air Lines اۋەكومپانياسىنىڭ ۇشاقتارىنىڭ ءبىرى باففالو قالاسى (نيۋ-يورك شتاتى) اۋەجايىندا ۇشۋ-قونۋ جولاعىنان شىعىپ كەتۋىنە قولايسىز اۋا- رايى سەبەپ بولعان. مەتەورولوگتاردىڭ بولجامىنشا، قولايسىز اۋا-رايى بۇگىن دە ساقتالۋى ءتيىس.

«سەنبى كۇنى وڭتۇستىك داكوتا شتاتىندا شاعىن ۇشاق قۇلاپ، ۇشقىش پەن ەكى بالا قازا تاپقان. ايداحو- فوللز (ايداحو شتاتى) قالاسىنا باعىت العان اۋە كەمەسى چەمبەرلەن اۋەجايىنان ۇشقاننان كەيىن بىرنەشە ۋاقىتتان سوڭ قۇلاعان. ونىڭ دا قولايسىز اۋا رايى سەبەپشى بولۋى مۇمكىن»، دەلىنگەن حابارلامادا.

سوڭعى جاڭالىقتار