شاش پەن مۇرت تا اعارماعان: 80 جاستاعى قاريا 40 جىلدان بەرى مۇزداي سۋعا تۇسەدى

 نۇر-سۇلتان. قازاقپارات - 80 جاستاعى قاريا وسىمەن 40  جىل بويى ءار قىس سايىن سۋىق سۋعا سۇڭگىپ الۋدى ادەتكە اينالدىرعان.

مەلس مولداعاليەۆ - 80 جاستا. ەگدە جاسىنا قاراماستان مۇزدى سۋعا ءتۇسىپ جۇرگەنىنە 40 جىل بولعان. ءوزىنىڭ بۇل ادەتىن دەنساۋلىق كەپىلى رەتىندە قارايدى.

 قاراعاندى وبلىسىنىڭ تۋماسى سالاۋاتتى ءومىر سالتىن ۇستانۋشىلاردىڭ ءبىرى كورىنەدى. ءوزىنىڭ ەگدە جاسىنان قاراماستان ول قىس- جازىنا قاراماي سۋدا بالىقشا جۇزەدى.

 ەگدە جاستاعى ازاماتتىڭ سوزىنشە، ول ءوزىن كارى سانامايدى. ال ونىمەن بىرگە سۋىق سۋدا جۇزەتىندەر قاريادان قالىپ قالاتىندىقتارىن جاسىرمادى.

«گيمناستيكالىق، دەنە جاتتىعۋلارىن جاسايمىز. ادامنىڭ بويىندا دەنە تەمپەراتۋراسىن ساقتاپ قالاتىن قاسيەتى بولادى، سونى وياتۋ كەرەك. سودان كەيىن بارىپ قانا سۋىق سۋدا جۇزەمىز»، - دەيدى مەلس مولداعاليەۆ.

 قاريا قازاقستاندىق «سەرگەك» كلۋبىنىڭ مۇشەسى ەكەن. مۇنداعى تۇرعىندار قىستى كىشىگىرىم كولشىكتە مۇزدىڭ بەتىن ويىپ، تاستاي سۋعا ءتۇسىپ الادى ەكەن. كلۋبقا مۇشە ادامداردىڭ قاتارىندا ەركەگى دە، ايەلى دە بار. ەڭ قارت سالاۋاتتى توپ مۇشەسى 80 جاستا بولسا، ەڭ جاسى – 7 دە ەكەن. 7  دەگى ءبۇلدىرشىنىڭ اتا- انالارىنىڭ ايتۋىنشا، بالاقاي 5 جاسىنان بەرى مۇزداي سۋعا قورىقپاي مالتايدى.