ەلوردادا جۇرگىزۋشى كۋالىگىن 80-120 مىڭ تەڭگە ارالىعىندا ساتقاندار ۇستالدى
«نۇر- سۇلتان قالاسىنىڭ مامانداندىرىلعان ح ق ك و- ى ارقىلى جالعان مەديتسينالىق انىقتامالار مەن اۆتومەكتەپتەر ءبىتىرۋ تۋرالى كۋالىكتەردى قولدانا وتىرىپ قىلمىس جاساعان توپتى ۇستادى. ولار ازاماتتاردى ءىس جۇزىندە وقىتپاي، تەوريالىق جانە پراكتيكالىق ەمتيحاندار تاپسىرتپاستان جۇرگىزۋشى كۋالىكتەرىن 80 مىڭنان باستاپ 120 مىڭ تەڭگەگە دەيىنگى سىياقىعا زاڭسىز بەرۋدى ۇيىمداستىرعان»، - دەدى دانيار بەكايداروۆ ونلاين باسپا ءسوز ءماسليحاتىندا.
از ۋاقىت ارالىعىندا ولار 2 مىڭنان استام جۇرگىزۋشى كۋالىگىن ساتقانى انىقتالىپ وتىر.
«ءتىنتۋ كەزىندە 7 مەكتەپ ءمورى، 479 ءبىتىرۋ تۋرالى كۋالىك بلانكىسى مەن ادامداردىڭ ساۋالنامالىق دەرەكتەرى تولتىرىلماعان، دارىگەرلەردىڭ قولدارى مەن مورلەرى قويىلعان №086 ۇلگىسىندەگى جالعان مەديتسينالىق انىقتامالار تابىلدى. مۇنداي كۋالىكتەردىڭ يەلەرى جول قوزعالىسى ەرەجەلەرىن بۇزادى. ال ولاردىڭ ارەكەتتەرى جول قوزعالىسىنىڭ قاتىسۋشىلارىن اۋىر زارداپقا سوقتىرۋى مۇمكىن. ءىستىڭ باس فيگۋرانتى 2 ايعا قامالدى»، - دەيدى ول.
اۆتور: ايان بەكەن ۇلى