10:00, 15 - قازان 2018 | GMT +6
قازاقستاندا باسپانا ساۋداسى 8,3 پايىزعا ارتتى
استانا. قازاقپارات - قازاقستاندا تۇرعىن ءۇي نارىعىندا ساۋدا-ساتتىق كەلىسىمدەرىنىڭ سانى 8,3 پايىزعا ارتتى، دەپ حابارلايدى قازاقپارات ق ر ۇلتتىق ەكونوميكاسى مينيسترلىگىنىڭ ستاتيستيكا كوميتەتىنە سىلتەمە جاساپ.
اتاپ ايتقاندا، باسپانانى ساتۋ- ساتىپ الۋ مامىلەلەرى 2018 -جىلدىڭ قاڭتار-قىركۇيەك ايلارى اراسىندا 192051-دى قۇرادى. بۇل 2017 -جىلدىڭ وسىنداي كەزەڭىمەن سالىستىرعاندا 8,3 پايىزعا كوپ.
بيىلعى جىلدىڭ قىركۇيەگىندە تۇرعىن ءۇي نارىعىندا 25048 مامىلە جاسالىپ، ونىڭ الدىنداعى ايمەن سالىستىرعاندا 0,5 پايىز وسكەن.