+7 (701) 759 90 19
-4 °С : نۇر-سۇلتان
4 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

حالىق ساناعىنا بيۋجەتتەن 8,2 ميلليارد تەڭگە جۇمسالادى

14 اقپان 11:29
:ءبولىسۋ
حالىق ساناعىنا بيۋجەتتەن 8,2 ميلليارد تەڭگە جۇمسالادى

نۇر-سۇلتان. قازاقپارات - قازاقستاندا حالىق ساناعى 2020-جىلى قازان ايىندا وتەدى. وعان بيۋجەتتەن 8,2 ميلليارد تەڭگە بولىنەدى دەپ حابارلادى 13- اقپاندا نۇر-سۇلتاندا ۇلتتىق ەكونوميكا مينيسترلىگىنە قارايتىن ستاتيستيكا كوميتەتىنىڭ ءتوراعاسى نۇربولات ايداپكەلوۆ.

ونىڭ ايتۋىنشا، حالىق ساناعىن وتكىزۋ ءۇشىن 32,5 مىڭ ادام تارتىلادى، بيۋجەتتىڭ نەگىزگى بولىگى ياعني، 3,7 ميلليارد تەڭگە سولاردىڭ جۇمىسىنا تولەنەدى.

- بيۋجەتتىڭ نەگىزگى بولىگى - 3,7 ميلليارد تەڭگە ينتەرۆيۋەرلەردىڭ ەڭبەكقاسىن تولەۋگە جۇمسالادى. بۇعان قوسا ساناققا بايلانىستى ونلاين رەسۋرستار جاسالادى. اقپاراتتىق جۇيە قۇردىق. ءار وبلىس ورتالىعىندا حالىق ساناعى ءۇشىن باسقارما اشىلادى، - دەدى حالىق ساناعىنىڭ بيۋجەتى تۋرالى سۇراقتارعا جاۋاپ بەرگەن نۇربولات ايداپكەلوۆ. ونىڭ ايتۋىنشا، پلانشەت ساتىپ الۋعا 1 ميلليارد تەڭگە قاراجات بولىنبەك. «بيۋجەت تۋرالى تولىق كەستە ارنايى سايتتا جاريالانادى» دەدى ول.

ول مۇعالىمدەر مەن دارىگەرلەردىڭ حالىق ساناعى جۇمىسىنا قاتىسپايتىنىن، حالىقتان ساۋالناما جينايتىن ادامدار ارنايى ىرىكتەلىنىپ، كۋرستاردان وتەتىنىن ايتتى.

جالپى ساناق ەكى كەزەڭنەن تۇرادى. 1-30- ماۋسىم ارالىعىندا ينتەرۆيۋەرلەر تۇرعىن ۇيلەر مەن عيماراتتاردى ارالاپ، وندا تۇراتىن ادامدار سانىن انىقتايدى. ساناقتىڭ ەكىنشى كەزەڭىندە ياعني، 1-30- قازان ارالىعىندا ساناق جۇرگىزىلەدى. وعان ونلاين تۇردە دە قاتىسۋعا بولادى. ساۋالناما اياقتالعاندا ءاربىر ازاماتقا حالىق ساناعىنان وتكەنى تۋرالى انىقتاما بەرىلەدى.

زاڭعا ساي، قازاقستاندا ساناق ءار ون جىلدا ءبىر رەت ءوتۋى ءتيىس. سوڭعى رەت حالىق ساناعى 2009-جىلى وتكەن.

«ازاتتىق»


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات