قازاقستاندا 7 اۋەجايدىڭ جارامدىلىق سەرتيفيكاتىنىڭ مەرزىمى ءوتىپ كەتكەن
كەڭەستىڭ جۇمىس توبى ازاماتتىق اۆياتسيانىڭ ۇشۋ قاۋىپسىزدىگىن باقىلاۋ جانە قاداعالاۋ جونىندەگى قىزمەتتىڭ تيىمدىلىگىن زەرتتەپ، كوڭىل كونشىتپەيتىن قورىتىندىعا كەلدى.
2022-جىلى قازان-جەلتوقسان ايلارىندا اقتوبە، زايسان، بالقاش، شىمكەنت، پاۆلودار قالالارىنداعى اۋەجايلاردا اۋە ايلاقتارعا بەرىلەتىن جارامدىلىق سەرتيفيكاتىنىڭ قولدانىلۋ مەرزىمى اياقتالدى.
ال اتىراۋ جانە قوستاناي اۋەجايلارىندا بيىل اقپاندا اياقتالدى.
پارتيالىقتار ىشكى اۋە تاسىمالىنداعى قازىرگى باعا دەڭگەيىن تالقىلادى.
كەڭەس ءتوراعاسى، ءماجىلىس دەپۋتاتى ەرلان سايروۆ بيلەتتىڭ قىمباتشىلىعىنا شاعىمداناتىن ازاماتتار سانى كۇن ساناپ ارتىپ بارا جاتقانىن اتاپ ءوتتى.
«ادامدار Air Astana جانە FlyArystan-نىڭ باعا ساياساتىنا تاۋەلدى. تۇتىنۋشىعا قامقورلىق جاسالمايدى. FlyArystan-نىڭ بيلەت قۇنىنا قاراپ، بۇل كومپانيانى لوۋكوستەر دەپ ايتۋعا اۋىز بارمايدى. وتانداستارىمىز استانادان پاريجگە ۇشىپ بارۋعا جەتەتىن قاراجات جۇمساۋعا ءماجبۇر. ورالدان الماتىعا دەيىنگى بيلەت قۇنى 80 مىڭ تەڭگەگە دەيىن شارىقتايدى. ال شەتەلدە ۇشاققا وتىرساڭىز، ءدال وسى سوما الەمنىڭ جارتىسىن اينالىپ وتۋگە جەتەدى. مىنە، ەلىمىزدە اۋە تاسىمالىنىڭ قانشالىقتى قىمبات ەكەنىن وسىدان-اق اڭعارۋعا بولادى. بۇل قاراجات قايدا كەتىپ جاتىر؟ Air Astana كوممەرتسيالىق كومپانيا رەتىندە جۇمىس ىستەيدى. ءبىراق، قازىرگى قىزمەتى ۇلتتىق تاسىمالداۋشى مارتەبەسىنە سايكەس كەلمەيدى»، - دەدى ە. سايروۆ.
بۇل پىكىرمەن كەڭەس مۇشەسى، ءماجىلىس دەپۋتاتى ابزال قۇسپان دا كەلىسىپ وتىر. سونداي-اق ول وتاندىق اۋە كومپانيالارىنا تەڭ جاعداي جاسالماعان دەپ ەسەپتەيدى.
«دەپۋتات رەتىندە عانا ەمەس، تۇتىنۋشى رەتىندە دە پىكىر بىلدىرگىم كەلىپ وتىر. سالادا سىبايلاس جەمقورلىق تاۋەكەلدەرى بار. سەبەبى تەك ءبىر كومپانيا - Air Astana ءۇشىن عانا بارلىق جاعداي جاسالعان. ماسەلەن، Scat-تىڭ رەيسىن نەگە بىرنەشە ساعات كۇتەمىز وسى؟ بۇل جاعداي ادامداردىڭ اشۋ-ىزاسىن تۋعىزادى. ال Scat قىزمەتكەرلەرى بولسا، بارلىق جاعداي تەك Air Astana ءۇشىن عانا جاسالىپ جاتقانىن ايتادى. ەلىمىزدە ارزان باعامەن تاسىمالداۋشىلار پايدا بولۋى ءۇشىن اۋە كەڭىستىگىمىز باسەكەگە قابىلەتتى بولۋى كەرەك»، - دەدى ول.
بۇعان جاۋاپ رەتىندە ق ر يندۋستريا جانە ينفراقۇرىلىمدىق دامۋ ۆيتسە-ءمينيسترى الماز ىدىرىسوۆ ي ي د م تاراپىنان ەشقانداي كومپانياعا مەملەكەتتىك قولداۋ مەن قورعاۋ جاسالمايتىنىن اتاپ ءوتتى.
مينيسترلىك تەك ۇشۋ قاۋىپسىزدىگىن قامتاماسىز ەتەدى.
«Air Astana - «سامۇرىق-قازىنا» قورىنا قاراستى كومپانيا. تيىسىنشە، ستراتەگيالىق مىندەتتەرگە دە سولار جاۋاپ بەرۋى ءتيىس. ال باعا ماسەلەسىنە كەلەتىن بولساق، ونى ق ر باسەكەلەستىكتى قورعاۋ جانە دامىتۋ اگەنتتىگى بەلگىلەيدى. حالىقارالىق تاجىريبەگە سايكەس، اۆيابيلەت قۇنىن بەلگىلەۋ ماسەلەسى زاڭنامالىق تۇرعىدا رەتتەلمەيدى. ونى اۆياكومپانيالار نارىق شارتىنا ساي ايقىندايدى»، - دەدى ۆيتسە-مينيستر.
كەڭەس مۇشەسى، ءماجىلىس دەپۋتاتى مارات ءباشىموۆ Air Astana كومپانياسىنىڭ قىزمەتىن زاڭ بۇزۋ تۇرعىسىنان زەردەلەپ، كومپانيا مەن مەملەكەتتىك ورگاندار اراسىندا جاسالعان شارتتاردى تەكسەرۋ قاجەت ەكەنىن اتاپ ءوتتى.
«ۇشاق الماتى اۋەجايىنا قونعان سوڭ شامامەن ءبىر جارىم ساعات كۇتەمىز. بىردە اۆتوبۋس، ەندى بىردە تراپ تابىلماي قالادى. ونىڭ ءبارى قايدا كەتكەن ءوزى؟ جوق بولسا ساتىپ الۋعا بولماي ما؟ الماتىدان استاناعا ءبىر كۇن بۇرىن بيلەت ساتىپ العىسى كەلگەن ادام جاعا ۇستاتارلىق جاعدايعا تاپ بولادى. ماسەلەن، FlyArystan-نىڭ بيلەت قۇنى - 60 مىڭ تەڭگە. ال Air Astana عا مۇلدەم بيلەت ساتىپ الا المايسىز. ەلىمىزدە ۇشاق جەتىسپەيتىن بولسا، وزگە اۆياكومپانيالاردىڭ دا جۇمىس ىستەۋىنە رۇقسات ەتەيىك. مىسالى، Wizz Air كومپانياسى قازاقستاندا قىزمەت كورسەتۋگە دايىن وتىر. بىردە لوس انجەلەس-نيۋ يورك باعىتىنداعى ۇشاق بيلەتىن 32 دوللارعا (15 مىڭ تەڭگە) ساتىپ الدىم. ونداعى اراقاشىقتىق شامامەن 4000 شاقىرىمدى قۇرايدى. بيلەتتى ءدال ۇشاتىن كۇنى الدىم. ال بىزدە مۇنداي باعا بار ما؟»، - دەدى ساياساتتانۋشى تالعات قاليەۆ.