ايەلگە جاراسپايتىن 7 ادەت

None
استانا. قازاقپارات - ادام ءمىنسىز ەمەس. ءبىراق ءار ايەلدىڭ تابيعاتىندا كەمەلدىككە ۇمتىلۋ بار. بيزنەس-كوۋچ ۆەرا فيشينگەر قانداي ادەتتەر العا قويعان ماقساتقا جەتۋگە كەدەرگى كەلتىرەتىنىن ايتتى، - دەپ حابارلايدى Massaget.kz تىلشىسى.

كۇتىمسىز سىرت كەلبەت

كەي ايەلدەر تەك ارنايى قانداي دا ءبىر شارا الدىندا عانا سىرت كەلبەتىنە ءمان بەرەدى. ال قاراپايىم كۇندەرى كۇتىمدى كورىنۋدى قاجەت دەپ سانامايدى. ءتىپتى، گيگيەناسىنا دا ءمان بەرمەيتىندەر بار. الايدا ءوزىڭىزدى رەتكە كەلتىرۋگە اسا ەشتەڭە قاجەت ەمەس. باستىسى - قالاۋ مەن ءسال كۇش سالۋ. ءوز-وزىنە سالعىرت قاراۋ ەشكىمگە پايدا اكەلمەيدى. ودان كوڭىل كۇي مەن ءوزىن-ءوزى باعالاۋ تومەندەپ كەتۋى مۇمكىن. كۇن تارتىبىنەن سۇلۋلىق پروتسەدۋرالارىنا 1 ساعات ءبولىڭىز. سالونعا بارۋ مىندەتتى ەمەس. بۇل ءوزىڭىزدى جاقسى سەزىنۋگە جاعىمدى اسەر ەتەدى.

زياندى ادەتتەر

قازىر سالاۋاتتى ءومىر سالتىن ساقتاۋ سانگە اينالدى. ءوز دەنەڭىزدى جەتىلدىرۋگە باعىتتالعان شارالار كوپ. ول ءارتۇرلى تاماقتانۋ جۇيەلەرى، فيزيكالىق جاتتىعۋلار، مەدياتيۆتى تاجىريبەلەر جانە كوسمەتولوگيالىق پروتسەدۋرالار بولۋى مۇمكىن. ولار دەنساۋلىققا زيان كەلتىرەتىن نارسەلەردەن، سونىڭ ىشىندە، تەمەكى تارتۋدان باس تارتۋعا شاقىرادى. تەمەكى دەنساۋلىققا زيانىمەن قاتار، بەت رەڭكىنە، تىسكە جانە ءتىس ەمالىنە جاعىمسىز اسەر ەتەدى.

ۇقىپسىزدىق

كەشىگۋدىڭ جاقسى ەمەس ەكەنىن ءبارى بىلەدى. ول ادامدارمەن قارىم-قاتىناستى ناشارلاتادى، سەنىمسىزدىك پەن رەنىش تۋدىرادى. ۋاقىتىن دۇرىس سانامايتىن اداممەن ەشكىم جۇمىس جاساعىسى كەلمەيدى. بۇل جەردە وياتقىشتار كومەكتەسپەيدى. سەبەبى ونىڭ سەبەبى ادەتتە جالپى ۇيىمشىلدىقتىڭ جانە جاۋاپكەرشىلىكتىڭ بولماۋىمەن بايلانىستى.

شاعىمدانا بەرۋ جانە ناشار كوڭىل كۇي

ەگەر ادام ۇنەمى جاعىمسىز جاعدايدا جۇرسە، بارلىق نارسەگە شاعىمدانا بەرسە، ونىمەن سويلەسكىسى كەلەتىن ادامدار سانى ازايا بەرەدى. مۇنداي ادامدار پەسسيميزممەن وزدەرى قينالىپ قانا قويماي، ونى اينالاسىنداعىلارعا دا تاراتادى.

جاعىمسىز نارسەنىڭ ءبارىن كەيىنگە قالدىرۋ

دەنساۋلىققا ءمان بەرۋ، تەكسەرىستەردەن ءوتۋ جانە دارىگەرلەردىڭ ۇسىنىستارىن ورىنداۋ وتە ماڭىزدى. ءتىپتى ايەل ولارمەن اينالىسۋعا قورىقسا دا، ول ءوزىن جاقسى كورەتىندىكتەن، دەنساۋلىقتى ءبىرىنشى ورىنعا قويۋى كەرەك.

ديەتالار

بارلىق نارسەدە، سونىڭ ىشىندە ديەتادا دا شامانى ءبىلۋ كەرەك. ارينە، دۇرىس تاماقتانۋدىڭ كومەگىمەن ءوزىڭىزدى تونۋستا ۇستاۋ ماڭىزدى. الايدا ءجيى ارتىق سالماقتان ارىلعىسى كەلۋ «جابىسقاق» ويعا اينالادى. اعزا جەتكىلىكتى مولشەردە اقۋىز، ماي جانە كومىرسۋلار الماسا، اعزا دەپرەسسيا سەكىلدى كۇتپەگەن رەاكتسيالار بەرە باستايدى. مۇنداي جاعداي ءوز-وزىڭىزبەن جانە اينالاداعىلارمەن ۇيلەسىمدە بولۋعا ىقپال ەتپەيدى.

وزىنە ۇنەمدەۋ

ورىندى شىعىندالۋ مەن ۇنەمى ءوز-وزىنە باس تارتۋ ادەتىنىڭ اراسىندا ايىرماشىلىق بار. وزىنەن ۇنەمدەۋ قاۋىپتى پاتولوگياعا اينالۋى مۇمكىن.

ەندەشە، ايەلگە نە جاراسادى؟ ءوز-وزىنە، سۇلۋلىعىنا جانە قۇندىلىعىنا سەنۋ. بۇل سەزىم تەك سىرت كەلبەتتى ەمەس، باسقالاردىڭ سىزگە دەگەن قارىم-قاتىناسىن جاقسى جاققا وزگەرتە الادى.

سوڭعى جاڭالىقتار