قازاقستاندىق «7- ارنا» جاڭا تەلەماۋسىمدى جاڭا مازمۇنمەن باستادى

None
استانا. قازاقپارات - قازاقستاننىڭ «جەتىنشى ارناسى» ناۋرىز قارساڭىندا تەلەۆيزيالىق ماۋسىمىن تىڭ باعدارلامالارمەن جاڭارتتى، دەپ حابارلايدى قازاقپارات ءتىلشىسى.

ترانسفورماتسيا ارنانىڭ كونتەنتىمەن بىرگە ۆيزۋالدىق شەشىمدەرىن دە قامتىدى. ناقتىراق ايتساق، رەبرەندينگ جۇرگىزىلىپ، ەفيردىڭ ارلەۋى وزگەردى، لوگوتيپى مەن كورسەتىلىم كەستەسى دە جاڭاردى.

«ءبىز بارلىق جاستاعى كورەرمەن ءۇشىن زامان تالابىن ەسكەرىپ، قايتا جاڭاردىق. تۇرلەندىك. ءارتۇرلى تۇرگە ەندىك. كوڭىلدى كۇيگە ەندىك. بۇنىڭ ءبارى ءسىز ءۇشىن پاتشا كوڭىل كورەرمەن. ەرەكشە جوبالارىمىزدىڭ ءبىرى - «قىزدار-اي». ويتكەنى، ايەلدەر - ءاردايىم وتباسىنىڭ ۇيىتقىسى، بەرەكە-بىرلىكتىڭ شىراقشىسى»، - دەيدى ارنانىڭ باس ديرەكتورى ءانيا بايوراز.

photo

اتالعان «قىزدار-اي» باعدارلاماسى بۇگىن ساعات 14:30 دا العاش رەت كورەرمەنگە جول تارتادى. جۇرگىزۋشىلەرى - جانار ايجانوۆا مەن اشا ماتاي. باعدارلاما نازىك جانداردىڭ جان جۇرەگىن تەربەپ، كورەرمەنگە كۇن سايىن ستۋدياعا كەلگەن الۋان كەيىپكەردىڭ الۋان ءتۇرلى ءومىرى مەن وزەكتى ماسەلەلەرىن تولعايدى. تاعدىر تالايىمەن بىرگە ولاردىڭ قۋانىشى مەن جۇبانىشى، جەتىستىگى مەن جەتپەي جاتقان تۇستارى، ومىرلىك تاجىريبەلەرى مەن ءتالىم-تۇسىنىگى تالقىعا تۇسەدى.

photo

تاعى ءبىر جاڭالىق - تانىمال تۇلعالار تۋرالى «جۇلدىزدى شاڭىراق» جانە «قىزىقتى weekend» باعدارلامالارى. ءار سەنبى مەن جەكسەنبى كۇندەرى اننا دانچەنكو جۇرگىزەتىن جوبادا تانىمال شوۋ بيزنەس، تەاتر جانە كينو جۇلدىزدارىنىڭ ومىرىنە سىر ايتىلىپ، ەستەلىكتەر تىڭدالادى.

بۇعان قوسا جاقىن ارادا 7- ارنا ەفيرىندە قازاق جانە ورىس تىلدەرىندە بالاماسى جوق اپتالىق كەشكى شوۋ باستالادى. اۆتورلار ونىڭ سەناريىن ازىرگە قۇپيا ۇستاپ وتىر.

photo

جالپى بۇل كوكتەمدە 7- ارنا كورەرمەنگە سەريالدار مەن ساپالى فيلمدەر ۇسىنباقشى. تەلەارنا كينوسۇيەر قاۋىمدى قازاقستان، تۇركيا، رەسەي، ۋكراينا، برازيليا جانە ا ق ش تۇسىرگەن ەكسكليۋزيۆتى فيلمدەرمەن، سەريالدارمەن تامساندىرماق.

سوڭعى جاڭالىقتار