جاڭا زەلانديا ارالىندا 7 بالدىق ءزىلزالا بولدى

استانا. قازاقپارات - جاڭا زەلانديانىڭ كەرمادەك ارالدارىندا بەيسەنبى كۇنى جەرگىلىكتى ۋاقىتپەن 13:56 دا ماگنيتۋداسى 7,0 بالدىق ءزىلزالا تىركەلدى. بۇل تۋرالى قازاقپارات شينحۋا اگەنتتىگىنە سىلتەمە جاساپ حابارلايدى.

گاۆاي ارالدارىنداعى تسۋنامي تۋرالى ەسكەرتەتىن تىنىق مۇحيت ورتالىعى «كەرمادەك ارالدارىنىڭ كەيبىر جاعالاۋىندا 0,3-1 م دەيىن جەتەتىن سۋنامي بولۋى مۇمكىن» دەپ حابارلادى.

ال ەلدىڭ توتەنشە جاعدايلاردى باسقارۋ ۇلتتىق اگەنتتىگىنىڭ دەرەگى بويىنشا، كۇشتى جەر سىلكىنىسىنەن كەيىن جاڭا زەلاندياعا سۋنامي قاۋپى ءتونىپ تۇرعان جوق.