قازاقستاننىڭ 7 وڭىرىندە جولدار جابىلىپ، كولىك قوزعالىسى شەكتەلدى
شىعىس قازاقستاندا، اباي جانە پاۆلودار وبلىستارىندا بارلىق رەسپۋبليكالىق تاسجولداردا جۇك جانە قوعامدىق كولىكتەرگە، ديزەلمەن جۇرەتىن اۆتوموبيلدەرگە قوزعالىس شەكتەلدى. جەتىسۋ وبلىسىندا «الماتى- وسكەمەن» تاسجولىنىڭ ءۇشارال قالاسىنان اباي وبلىسىنا دەيىنگى شەكاراسىندا قوزعالىسقا شەكتەۋ ەنگىزىلدى.
قاراعاندى وبلىسىندا «قىزىلوردا- پاۆلودار» تاسجولىندا، «قالقامان- باياناۋىل- ۇمىتكەر- كەرنەي- بوتاقارا» تاسجولىندا (بوتاقارا اۋىلىنپن پاۆلودار وبلىسىنىڭ شەكاراسىنا دەيىن) ، «قاراعاندى- اياگوز- بۇعاز» تاسجولىندا (بۇركىتتى اۋىلىنان اباي وبلىسىنىڭ شەكاراسىنا دەيىن) جولعا شىعۋعا رۇقسات ەتىلمەيدى.
اقمولا وبلىسىندا «استانا- ەرەيمەنتاۋ- شىدەرتى» تاسجولىندا (استانا قالاسىنان پاۆلودار وبلىسىنىڭ شەكاراسىنا دەيىن) قوزعالىس شەكتەلدى
تۇركىستان وبلىسىندا اۋا رايىنىڭ ناشارلاۋىنا بايلانىستى «الماتى- تاشكەنت- تەرمەز» تاسجولىندا (جامبىل وبلىسىنىڭ شەكاراسىنان جانكەشۋ اۋىلىنا دەيىن) بارلىق كولىك تۇرلەرىنە جۇرۋگە تىيىم سالدى.