رەسەيدەن كەلگەن 7 مىڭ ادام قازاقستاندا جۇمىس ىستەۋگە ءوتىنىش بەرگەن
30 قىركۇيەك, 18:09

رەسەيدەن كەلگەن 7 مىڭ ادام قازاقستاندا جۇمىس ىستەۋگە ءوتىنىش بەرگەن

استانا. قازاقپارات - رەسەيدەن كەلگەندەردىڭ اراسىندا 7 مىڭ ادام قازاقستاندا جۇمىس ىستەۋگە ءوتىنىش بەرگەن.

بۇل تۋرالى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ولجاس وردابايەۆ ايتتى، دەپ حابارلايدى قازاقپارات ءتىلشىسى.

«رەسەيدەن كەلگەندەرگە جەكەلەي جاعداي جاسالمايدى. ول بەلگىلى جاعداي. قازىرگى كەزدە رەسەيدەن كەلىپ، قازاقستاندا جۇرگەن 353 مىڭ ادام بار. ونىڭ 7 مىڭى عانا قازاقستاندا جۇمىس ىستەۋگە كەلگەن. سوندىقتان رەسەيلىكتەردىڭ كەلۋى ەڭبەك نارىعىنا اسەر ەتپەيدى. اتاپ ايتقاندا، رەسەيلىكتەردىڭ جۇمىسقا تۇرۋىنا جاعداي جاسالمايدى»، - دەدى ر. وردابايەۆ ورتالىق كوممۋنيكاتسيالار قىزمەتىندە.

بۇدان بۇرىن حابارلانعانداي، پرەمەر-ءمينيستردىڭ ورىنباسارى - ساۋدا جانە ينتەگراتسيا ءمينيسترى سەرىك جۇمانعارين رەسەيدەن قازاقستانعا قاراي وتە الماي تۇرعان ەلىمىزدىڭ ازاماتتارى ءۇشىن «جاسىل ءدالىز» اشىلاتىنىن ايتتى.

ونىڭ ايتۋىنشا، قازاقستانعا كەلگەن رەسەيلىكتەر ازىق-تۇلىك قاۋىپسىزدىگىنە قاۋىپ توندىرمەيدى.

جاڭالىقتار