پارلامەنت كونستيتۋتسيالىق وزگەرىستەردى قابىلدادى: پرەزيدەنت 7 جىلعا سايلانادى، استانا اتاۋى قايتارىلادى

نۇر-سۇلتان. قازاقپارات - بۇگىن پارلامەنت پالاتالارىنىڭ بىرلەسكەن وتىرىسىندا «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋ ەنگىزۋ تۋرالى» قازاقستان رەسپۋبليكاسىنىڭ زاڭىن قابىلدادى، دەپ حابارلايدى قازاقپارات ءتىلشىسى.

ايتا كەتەيىك، ق ر ادىلەت ءمينيسترى قانات مۋسين ۇسىنعان زاڭ جوباسى بەس باپقا وزگەرىستەر ەنگىزۋدى جانە ءبىر باپپەن تولىقتىرۋدى كوزدەيدى.

سونىمەن، بىرىنشىدەن، پرەزيدەنتتىڭ مانداتىن قايتا سايلانۋ مۇمكىندىگىنسىز ءبىر مەرزىمگە شەكتەۋ وسى زاڭ جوباسى كۇشىنە ەنگەننەن كەيىن جەتى جىل مەرزىمگە پرەزيدەنت بولىپ سايلاعان ادامدارعا قولدانىلادى.

ەكىنشىدەن، نۇر-سۇلتان قالاسىنىڭ اتاۋى قايتادان استانا بولىپ وزگەرەدى.

ۇشىنشىدەن، كونستيتۋتسيالىق سوتتىڭ سۋديالارى قايتا تاعايىندالۋىنا شەكتەۋ قويا وتىرىپ، كونستيتۋتسيالىق سوت سۋديالارىنىڭ وكىلەتتىك مەرزىمدەرىن 8 جىلعا دەيىن ۇلعايتىلادى.

كونستيتۋتسياعا ەنگىزىلەتىن وزگەرىستەردى سەناتتىڭ 50 دەپۋتاتىنىڭ 50 ى، ءماجىلىستىڭ 99 دەپۋتاتىنىڭ 98 ى قولداپ داۋىس بەردى.

اۆتور مارلان جيەمباي