قازاقستان ازاماتتارى ينتەرنەت- الاياقتىق كەسىرىنەن 7 ميلليارد تەڭگەسىنەن ايرىلدى
15 تامىز 13:46

قازاقستان ازاماتتارى ينتەرنەت- الاياقتىق كەسىرىنەن 7 ميلليارد تەڭگەسىنەن ايرىلدى

نۇر- سۇلتان. قازاقپارات - جىل باسىنان بەرى ەلىمىزدە 12 مىڭعا جۋىق ينتەرنەت- الاياقتىق تىركەلدى. بۇل تۋرالى ق ر ىشكى ىستەر مينيسترلىگىنىڭ وكىلى شۇعىلا تۇرلىبەك ايتتى، دەپ حابارلايدى قازاقپارات ءتىلشىسى.

«جىل باسىنان بەرى ەلىمىزدە 12 مىڭعا جۋىق ينتەرنەت- الاياقتىق تىركەلدى. قىلمىسكەرلەردىڭ كەسىرىنەن 7 ميلليارد تەڭگە شىعىن كەلتىرىلدى. 571 ينتەرنەت- الاياق ۇستالىپ، 17 ۇيىمداسقان قىلمىستىق توپ جويىلدى. ينتەرنەت- الاياقتىقتىڭ ەڭ كوپ تىركەلۋى نۇر- سۇلتان، الماتى قالالارى مەن قاراعاندى وبلىسىندا بايقالادى»، - دەدى ءى ءى م وكىلى ۆەدومستۆونىڭ باسپا ءسوز قىزمەتى الاڭىندا وتكەن بريفينگىدە.

ونىڭ اتاپ وتۋىنشە، ءى ءى م ينتەرنەت- الاياقتىقتىڭ الدىن الۋ ءۇشىن ەسكەرتۋلەر سيپاتىنداعى SMS- تەر جىبەرۋدى باستادى.

«SMS ارقىلى الاياقتىق تۋرالى حالىقتى ءبىرىڭعاي حاباردار ەتۋ تۋرالى 4 - تامىزدا ىشكى ىستەر ءمينيسترىنىڭ سيفرلىق دامۋ مينيسترلىگىنىڭ وكىلدەرىمەن جانە بايلانىس وپەراتورلارىمەن كەزدەسۋىندە ايتىلعان بولاتىن. موبيلدى بايلانىس قازاقستاننىڭ ءاربىر تۇرعىنىنا، تۇرعىلىقتى جانە ورنالاسقان جەرىنە قاراماستان، SMS ارقىلى الاياقتىق فاكتىلەرى تۋرالى اقپارات جەتكىزۋگە، جەدەل حاباردار ەتۋگە مۇمكىندىك بەرەدى. قازىرگى ۋاقىتتا Kcell قولدانۋشىلارىنا ەسكەرتپە SMS- تەر جىبەرىلدى. تاراتۋ جۇيەسىنىڭ شەكتەۋلەرىنە بايلانىستى SMS ماتىندەرىندەگى تاڭبالار سانى شەكتەۋلى. سوندىقتان، حابارلاما ءماتىنى قىسقارتىلعان. ىشكى ىستەر مينيسترلىگى بارشا ازاماتتاردى ساق بولۋعا شاقىرادى»، - دەدى ول.

اۆتور

مارلان جيەمباي

جاڭالىقتار