سارسەنبى كۇنى 7 وڭىردە قاتتى ىستىق بولادى

نۇر- سۇلتان. قازاقپارات - اتموسفەرالىق فرونتالدى بولىكتەردىڭ اسەرىنەن قازاقستان اۋماعىنىڭ باسىم بولىگىندە قۇبىلمالى كۇن رايى ساقتالادى: نايزاعاي ويناپ، جاڭبىر جاۋادى.

سولتۇستىكتە، سولتۇستىك- باتىستا، وڭتۇستىكتە، وڭتۇستىك- شىعىستا - بۇرشاق، سولتۇستىكتە، سولتۇستىك- باتىستا، وڭتۇستىكتە - داۋىل، وڭتۇستىك- باتىستا، وڭتۇستىكتە - شاڭدى داۋىل كۇتىلەدى.

رەسپۋبليكا بويىنشا ەكپىندى جەل بولجانادى، دەپ حابارلايدى قازاقپارات قازگيدرومەتكە سىلتەمە جاساپ.

تۇندە سولتۇستىك قازاقستان وبلىسىنىڭ شىعىسىندا قاتتى جاڭبىر جاۋادى. كۇندىز جەتىسۋ وبلىسىنىڭ الاكول كولدەرى اۋدانىندا كۇشى 30 م/س جەتەتىن جەل كۇتىلەدى. كۇندىز الماتى، جامبىل، تۇركىستان وبلىستارىنىڭ باسىم بولىگىندە، ماڭعىستاۋ، قىزىلوردا، اباي، شىعىس قازاقستان وبلىستارىنىڭ وڭتۇستىگىندە قاتتى ىستىق بولادى.

تۇركىستان وبلىسىنىڭ باتىسىندا، ءشولدى اۋداندارىندا، جامبىل وبلىسىنىڭ وڭتۇستىگىندە، باتىسىندا، سولتۇستىگىندە وتە قاتتى ىستىق بولجانادى. قىزىلوردا، الماتى وبلىستارىنىڭ باسىم بولىگىندە، اباي وبلىسىنىڭ باتىسىندا، باتىس قازاقستان وبلىسىنىڭ شىعىسىندا، اتىراۋ وبلىسىنىڭ باتىسىندا، شىعىسىندا، ۇلىتاۋ وبلىسىنىڭ وڭتۇستىك- باتىسىندا، قاراعاندى وبلىسىنىڭ وڭتۇستىك- شىعىسىندا، جامبىل وبلىسىنىڭ وڭتۇستىگىندە، پاۆلودار وبلىسىنىڭ ورتالىعىندا، تۇركىستان وبلىسىنىڭ سولتۇستىگىندە توتەنشە ءورت قاۋپى كۇتىلەدى.