قوسشىدا 7 جاستاعى قىز پەشتىڭ ىشىندە تۇنشىعىپ كوز جۇمدى
16 مامىر 13:25

قوسشىدا 7 جاستاعى قىز پەشتىڭ ىشىندە تۇنشىعىپ كوز جۇمدى

كوكشەتاۋ. قازاقپارات - اقمولا وبلىسىنىڭ قوسشى قالاسىندا پەشتىڭ ىشىنە كىرىپ ويناعان 7 جاستاعى قىز بالا كوز جۇمدى، دەپ حابارلايدى قازاقپارات ءتىلشىسى.

وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، بيىلعى جىلعى مامىردىڭ 14-ىندە قوسشى قالالىق پب كەزەكشى بولىمىنە جەدەل- جاردەم ستانسياسىنىڭ ديسپەتچەرى حابارلاسىپ، 2015 -جىلعى قىز بالانىڭ كوز جۇمعانىن ايتتى.

«انىقتالعانداي، 14- مامىردا قوسشى قالاسىندا تۇسكى ۋاقىتتا 2015 -جىلعى قىز جانە 2014 -جىلعى ۇل بالا پەشتىڭ ىشىنە كىرىپ ويناعان. وسى كەزدە، پەشتىڭ ەسىگى سىرتىنان جابىلىپ قالعان. سالدارىنان 7 جاستاعى قىز كوز جۇمدى، ال 8 جاستاعى ۇل «اۋىر دارەجەلى گيپوكسيا» دياگنوزىمەن نۇر- سۇلتان قالاسىنىڭ قالالىق بالالار اۋرۋحاناسىنا جاتقىزىلدى. قازىرگى كەزدە ءتيىستى ساراپتاما تاعايىندالدى»، - دەدى ۆەدومستۆودان.

اۆتور: اسلان وسپانوۆ

جاڭالىقتار