10:04, 26 - قاراشا 2021 | GMT +6
جامبىلدا ماس جۇرگىزۋشى 7 جىلعا كولىك جۇرگىزۋ قۇقىعىنان ايىرىلدى
تاراز. قازاقپارات - جامبىل وبلىسىندا ماس جۇرگىزۋشى 7 جىلعا كولىك باسقارۋ قۇقىعىنان ايىرىلدى، دەپ حابارلايدى قازاقپارات.
جامبىل وبلىسى پوليتسيا دەپارتامەنتىنىڭ قىزمەتكەرلەرى جۋالى اۋدانى بايتەرەك اۋىلىنىڭ اۋماعىن پاترۋلدەۋ كەزىندە 47 جاستاعى جەرگىلىكتى تۇرعىننىڭ باسقارۋىنداعى Nissan Sunny ماركالى اۆتوكولىگىن توقتاتتى.
«تەكسەرۋ بارىسىندا پوليتسەيلەر ەر ادامنىڭ اۆتوكولىكتى ماس كۇيىندە باسقارعانىن انىقتادى. ءتارتىپ بۇزۋشىعا ق ر ا ق ب ت ك- ءنىڭ 608-بابى 1-بولىگى بويىنشا اكىمشىلىك حاتتاما تولتىرىلدى. كولىك ايىپ تۇراعىنا قويىلدى»، - دەلىنگەن پوليتسيا حابارلاماسىندا.
كىنالى جۇرگىزۋشى جۋالى اۋداندىق سوتىنىڭ قاۋلىسىمەن 15 تاۋلىككە اكىمشىلىك قاماۋعا الىنىپ، 7 جىل مەرزىمگە كولىك جۇرگىزۋ قۇقىعىنان ايىرىلدى.