+7 (701) 759 90 19
17 °С : نۇر-سۇلتان
31 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

قازاقستاندا جەر سىلكىنىسى ءجيى بولاتىن ايماقتاردا 7 ميلليونعا جۋىق حالىق تۇرادى

13 مامىر 15:25
:ءبولىسۋ
قازاقستاندا جەر سىلكىنىسى ءجيى بولاتىن ايماقتاردا 7 ميلليونعا جۋىق حالىق تۇرادى

الماتى. قازاقپارات - الماتىدا 11-14-مامىر ارالىعىندا ۆيرتۋالدى الاڭدا ورتالىق ازياداعى تاۋەكەلدى باعالاۋ بويىنشا بەس ەلدىك سەميناردىڭ العاشقىسى ءوتىپ جاتىر، دەپ حابارلايدى قازاقپارات.

شارا «ورتالىق ازياداعى قارجىلىق تۇراقتىلىقتى نىعايتۋ جانە اپاتتاردىڭ قاۋپىن ازايتۋ قارقىنىن جەدەلدەتۋ ماقساتىندا جەر سىلكىنىسى مەن سۋ تاسقىنى قاۋپىن ءبىرىڭعاي وڭىرلىك باعالاۋ جانە جەكەلەگەن كوشكىندەر سەناريلەرىن تالداۋ» جوباسى شەڭبەرىندە وتەدى.

سەميناردى ۇلتتىق وكەانوگرافيا جانە قولدانبالى گەوفيزيكا ينستيتۋتى (يتاليا) ۇيىمداستىردى. ءىس-شاراعا عىلىمي- تەحنيكالىق ساراپشىلار مەن تاجىريبەلىك ماماندار، ونىڭ ىشىندە عىلىمي- زەرتتەۋ ۇيىمدارىنىڭ وكىلدەرى، ينجەنەرلەر، اۋماقتىق جوسپارلاۋ جونىندەگى ماماندار، بەيىندى مەكەمە قىزمەتكەرلەرى جانە قازاقستاننىڭ كاسىپورىن باسشىلارى قاتىسادى. قازاقستاننىڭ سەيسميكالىق اۋداندارى شامامەن 475 مىڭ ك م2 الىپ جاتىر. قارقىندىلىعى 6 جانە ودان جوعارى ءزىلزالاعا ۇشىراعان اۋداندار ەل اۋماعىنىڭ %42,9 الادى.

قازىرگى ۋاقىتتا ەلىمىزدىڭ سەيسميكالىق اۋداندارىندا شامامەن 7 ميلليونداي ادام تۇرادى. ونىڭ ىشىندە 9 باللدىق اۋماقتا 2 ميلليون ادام (الماتى قالاسىندا - 1,8 ميلليون)، 8 باللدىق اۋماقتا - 1,1 ميلليون، 7 باللدىقتا 2 ميلليون جانە 6 باللدىق اۋماقتا 1,2 ميلليون تۇرادى.

2017-2018 -جىلدارى قازقسعزي ماماندارى «سەيسموتۇراقتىلىعىن زەرتتەۋ ماقساتىندا الماتى قالاسىنىڭ جىلجىمايتىن مۇلىك وبەكتىلەرىن پاسپورتتاۋ» عىلىمي جۇمىسىن ورىندادى. ناتيجەسىندە 2017 -جىلى 7027 وبەكتىنىڭ، 2018 -جىلى 3131 نىساننىڭ ءزىلزالاعا توزىمدىلىگى تەكسەرىلدى. الىنعان ماتەريالدار بويىنشا الماتى قالاسىنىڭ جەرگىلىكتى ۇيلەستىرۋ جۇيەسىنە وبەكتىلەردى بايلانىستىرا وتىرىپ، گاج باعدارلاماسىندا تەكسەرىلگەن 10525 وبەكتىلەردىڭ ەلەكتروندىق قۇجاتتارى جاسالدى.

«پاسپورتتاۋ ناتيجەلەرى سەيسميكالىق قاۋىپتى عيماراتتاردى انىقتاۋعا، ولاردى سەيسميكالىق كۇشەيتۋ نەمەسە بۇزۋ بويىنشا ءبىرىنشى كەزەكتەگى وبەكتىلەردى تاعايىنداۋعا، سەيسميكالىق قاۋىپتى عيماراتتاردى كۇشەيتۋگە جانە ەسكى ۇيلەردى بۇزۋعا جۇمسالاتىن شىعىندار كولەمىن انىقتاۋعا مۇمكىندىك بەردى. ەسكى ۇيلەردى بۇزۋ، ءبىلىم بەرۋ مەن دەنساۋلىق ساقتاۋ نىساندارى عيماراتتارىنىڭ سەيسموتۇراقتىلىعىن كۇشەيتۋ بويىنشا قالانىڭ بيۋدجەتتىك باعدارلامالارىنا كەزەكتىلىك بويىنشا تۇزەتۋلەر ەنگىزىلدى»، - دەپ ءتۇسىندىردى شوكباروۆ.

سەمينار قورىتىندىسى بويىنشا وعان قاتىسۋشىلار ۇسىنىلعان ادىستەمەلەردى وزدەرى قولدانا الادى جانە ورتالىق ازيا وڭىرىندەگى اپاتتاردىڭ قاۋپىن ازايتۋ جونىندەگى قىزمەتكە ءوز ۇلەسىن قوسا الادى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات