+7 (701) 759 90 19
16 °С : نۇر-سۇلتان
29 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

7-مامىر. قازاقپارات كۇنتىزبەسى

7 مامىر 10:51
:ءبولىسۋ
7-مامىر. قازاقپارات كۇنتىزبەسى

نۇر- سۇلتان. قازاقپارات - قازاقپارات وقىرماندار نازارىنا 2021 -جىلعى 7-مامىرعا ارنالعان كۇنتىزبەنى ۇسىنادى.

اتاۋلى كۇندەر

قازاقستاندا وتان قورعاۋشى كۇنى

1992 -جىلعى 7-مامىردا مەملەكەتتىك قورعانىس كوميتەتى قازاقستان رەسپۋبليكاسىنىڭ قورعانىس مينيسترلىگى بولىپ قايتا قۇرىلدى. ءدال وسى كۇنى ق ر پرەزيدەنتى ن. ءا. نازاربايەۆتىڭ جارلىعىمەن قازاقستان رەسپۋبليكاسىنىڭ قارۋلى كۇشتەرى قۇرىلدى. بۇل كۇن ەلىمىزدە مەملەكەتتىك مەرەكە جانە دەمالىس كۇنى سانالادى.

ەستە قالار وقيعالار

1992 -جىلى پرەزيدەنت جارلىعىمەن مەملەكەتتىك قورعانىس كوميتەتى قازاقستان رەسپۋبليكاسىنىڭ قورعانىس مينيسترلىگى بولىپ قايتا قۇرىلدى. قازاقستاننىڭ تۇڭعىش قورعانىس ءمينيسترى بولىپ گەنەرال- پولكوۆنيك ساعادات نۇرماعامبەتوۆ تاعايىندالدى.

1992 -جىلى قر تۇڭعىش پرەزيدەنتى ن. ءا. نازاربايەۆتىڭ جارلىعىمەن قازاقستان رەسپۋبليكاسىنىڭ قارۋلى كۇشتەرى قۇرىلدى.

1997 -جىلى الماتىداعى مەچنيكوۆ كوشەسىنە جازۋشى، عالىم، قوعام قايراتكەرى ءادي ءشارىپوۆتىڭ ەسىمى بەرىلدى.

1999 -جىلى ق ر پرەزيدەنتىنىڭ جارلىعىمەن رەيحستاگقا العاش بولىپ جەڭىس تۋىن تىككەن راقىمجان قوشقاربايەۆقا ەڭ جوعارى ماراپات - «حالىق قاھارمانى» اتاعى بەرىلدى. راقىمجان قوشقاربايەۆ (1924-1988) اقمولا وبلىسى، تايتوبە اۋىلىندا دۇنيەگە كەلگەن. 1942 -جىلى اسكەرگە الىنىپ، 1944 -جىلى فرۋنزەدەگى (بىشكەك) جاياۋ اسكەر ۋچيليشەسىن بىتىرگەن. لەيتەنانت قوشقاربايەۆ بەرلين وپەراتسياسى كەزىندە اسقان ەرلىك كورسەتتى. ول 30-ساۋىردە جاۋىنگەر گريگوري بۋلاتوۆپەن بىرگە كەڭەس اسكەرلەرى اراسىنان رەيحستاگقا ءبىرىنشى بولىپ جەتىپ، جەڭىس تۋىن تىكتى.

2000 -جىلى استانادا اۋعانستاندا قازا تاپقان جاۋىنگەرلەرگە ارنالعان ەسكەرتكىش مەموريال اشىلدى. ونىڭ گرانيت پليتكالارىنا 761 جاۋىنگەردىڭ ەسىمى قاشالىپ جازىلدى.

2013 -جىلى وتان قورعاۋشى كۇنىندە «وتار» 40- اسكەري بازاسىندا ەل پرەزيدەنتى - قازاقستان رەسپۋبليكاسى قارۋلى كۇشتەرىنىڭ جوعارعى باس قولباسشىسى نۇرسۇلتان نازاربايەۆتىڭ قاتىسۋىمەن جاۋىنگەرلىك پاراد ءوتتى. وتان قورعاۋشى كۇنى قازاقستاندا مەملەكەتتىك مەرەكە رەتىندە العاش رەت اتاپ ءوتىلدى. وسىعان وراي اسكەري قىزمەتشىلەر بۇعان دەيىن تەك قازاقستاندا عانا ەمەس، سونداي- اق تمد ەلدەرىندە وتپەگەن اۋقىمى مەن مازمۇنى جاعىنان ەرەكشە پارادتى ۇيىمداستىردى. جاۋىنگەرلىك پارادتىڭ ءداستۇرلى اسكەري پارادتاردان ەرەكشەلىگى - سولداتتار مەن وفيتسەرلەردىڭ كاسىبي شەبەرلىكتەرىن كورسەتۋ، زاماناۋي قارۋ- جاراقتار مەن اسكەري تەحنيكانى ءىس جۇزىندە پايدالانۋ.

2014 -جىلى وسكەمەن قالاسىنا كىرەبەرىستە قازاقتىڭ اتاقتى قولباسشىسى قابانباي باتىرعا ارنالعان قولا ەسكەرتكىش ورناتىلدى.

2014 -جىلى يادرولىق مەملەكەتتەردىڭ بەستىگى ورتالىق ازيانىڭ يادرولىق قارۋدان ازات ايماق مارتەبەسىن قۇرمەتتەۋگە، سونداي- اق وسى وڭىردەگى ەلدەرگە يادرولىق قارۋدى قولدانباۋعا جانە ونى قولدانۋ تۋرالى قوقان- لوقى كورسەتپەۋگە مىندەتتەلدى. قاۋىپسىزدىك كەپىلى تۋرالى حاتتاماعا ب ۇ ۇ شتاب- پاتەرىندە ا ق ش، قىتاي، رەسەي، ۇلى بريتانيا، فرانسيا قول قويدى.

2015 -جىلى استانادا وتان قورعاۋشى كۇنى مەن ەكىنشى دۇنيەجۇزىلىك سوعىستاعى جەڭىستىڭ 70 -جىلدىعىنا ارنالعان اسكەري پاراد ءوتتى. سالتاناتتى ءراسىمدى ق ر پرەزيدەنتى، قارۋلى كۇشتەردىڭ جوعارعى باس قولباسشىسى ن. نازاربايەۆ قابىلدادى. تاۋەلسىز قازاقستان تاريحىندا بۇل ەڭ اۋقىمدى شارا بولدى. وعان ق ر قك بارلىق تۇرلەرىنەن بەس مىڭداي اسكەري قىزمەتشى، باسقا دا اسكەرلەر، اسكەري قۇرامدار، ەكى جۇزدەن استام قارۋ- جاراق پەن اسكەري تەحنيكا، 70 تىكۇشاق، اسكەري اۆياتسيا ۇشاعى قاتىستى.

2019 -جىلى حورۆاتيانىڭ سپليتا قالاسىنىڭ تاريحي ورتالىعىندا ق ر قۇرمەتتى كونسۋلدىعى مەن «KAZAKH INVEST» ۇ ك ا ق- نىڭ حورۆاتياداعى تاۋەلسىز سەرىكتەسى كەڭسەسىنىڭ اشىلۋى ءوتتى. حورۆاتيا س ءى م باسشىسى م. پەيچينوۆيچ- بۋريچ سپليتادا ق ر كونسۋلدىعى مەن «KAZAKH INVEST» كەڭسەسىنىڭ اشىلۋى ساۋدا- ەكونوميكالىق بايلانىستىڭ وسۋىنە، تۋريزم، ءبىلىم، مادەنيەت جانە سپورت سالاسىنداعى بايلانىستاردىڭ كەڭەيۋىنە سەپتىگىن تيگىزەتىنىنە ءۇمىتىن ءبىلدىردى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات