كۇرەس تۇرلەرىنەن يتاليا تۋرنيرىنىڭ العاشقى كۇنى: قازاقستان قورجىنىندا - 7 مەدال

None
None
ريم. قازاقپارات - يتاليانىڭ ريم قالاسىندا «ماتتەو پەلليكونە» رەيتينگىلىك تۋرنيرىنىڭ العاشقى جارىس كۇنى اياقتالىپ، قازاقستان قورجىنى بىرنەشە مەدالمەن تولىقتى، دەپ حابارلايدى قازاقپارات Olympic.kz سايتىنا سىلتەمە جاساپ.

اتاپ ايتار بولساق، 55 كەلىدەگى حورلان جاقانشا تۋرنيردىڭ كۇمىس جۇلدەگەرى اتاندى.

فينالدا حورلان رەسەيلىك ۆيكتور ۆەدەرنيكوۆكە 1:11 ەسەبىمەن جول بەردى.

60 كەلىدەگى جانسەرىك سارسەنبيەۆ كىشى فينالدا امەريكالىق سپورتشىنى جەڭىپ، ۇزدىك ۇشتىككە ەندى.

63 كەلىدە قازاقستاندىق بالۋاندار سۇلتان اسەت ۇلى مەن ايدوس سۇلتانعالي كۇرەسۋى ءتيىس بولعان. الايدا، سۇلتان جاسى ۇلكەن كوماندالاس اعاسى ايدوسقا ءوز جولىن بەرىپ، بەلدەسۋدەن باس تارتتى.

وسىلايشا، ايدوس سۇلتانعالي تۋرنير جەڭىمپازى، ال سۇلتان اسەت ۇلى كۇمىس مەدال يەگەرى اتاندى.

67 كەلىدە المات كەبىسپايەۆ قولاعا قول سوزدى. ول ءۇشىنشى ورىن ءۇشىن كۇرەستە تۇركيالىق بالۋاندى ۇتتى. وسى سالماقتىڭ فينالىندا سىنعا تۇسكەن مەيىرجان شەرماحانبەت ۆەنگريالىق مەت كراسزنايدى 12:2 ەسەبىمەن جەڭىپ، ەل قورجىنىنا التىن مەدال سالدى.

سونداي-اق، 97 كەلىدەگى ولجاس سىرلىباي چەحيالىق بالۋاندى 9:0 ەسەبىمەن ۇتىپ، تۋرنيردىڭ قولا جۇلدەسىن يەلەندى.

وسىلايشا، العاشقى جارىس كۇنىندە گرەك-ريم كۇرەسىنەن قازاقستان كومانداسى ەكى التىن، ەكى كۇمىس جانە ءۇش قولا مەدال جەڭىپ الدى.

سوڭعى جاڭالىقتار