+7 (701) 759 90 19
-18 °С : نۇر-سۇلتان
1 °С : الماتى
USD 419.66 EUR 500.44
RUB 5.62 CNY 64.73
جاڭالىقتار

قاراعاندى وبلىسىندا 7 مىڭ تۇرعىن زەينەتاقى جيناعىن ءۇي ساتىپ الۋعا پايدالانادى

23 اقپان 08:44
:ءبولىسۋ
قاراعاندى وبلىسىندا 7 مىڭ تۇرعىن زەينەتاقى جيناعىن ءۇي ساتىپ الۋعا پايدالانادى

قاراعاندى. قازاقپارات - قاراعاندى وبلىسىندا 7172 تۇرعىن تۇرعىن ءۇي جاعدايىن جاقسارتۋ ءۇشىن زەينەتاقى جيناقتارىنىڭ ءبىر بولىگىن پايدالانۋعا شەشىم قابىلدادى.

قۇرىلىس، ساۋلەت جانە قالا قۇرىلىسى باسقارماسى باسشىسىنىڭ م. ا. ابزال جايلىبايەۆ وبلىستىق اكىمدىكتە وتكەن اپپاراتتىق كەڭەستە تۇرعىن ءۇي قۇرىلىسىن ارتتىرۋ جانە جاقسارتۋ بويىنشا مەملەكەتتىك باعدارلامالاردىڭ قالاي جۇزەگە اسىرىلىپ جاتقانىن باياندادى، دەپ حابارلايدى قازاقپارات ءتىلشىسى.

وڭىردە وبلىس تۇرعىندارىن تۇرعىن ۇيمەن قامتاماسىز ەتۋ بويىنشا بىرنەشە مەملەكەتتىك باعدارلاما جۇزەگە اسىرىلۋدا. ولاردىڭ ىشىندە ءوز پاتەرىن ساتىپ الۋعا نەمەسە قولدا بار پاتەردى كەڭەيتۋگە جەڭىلدىكتى قارىزدار بار. كەيىننەن ساتىپ الۋ قۇقىعىمەن ۇزاق مەرزىمدى جالعا بەرىلەتىن تۇرعىن ءۇي ۇسىنىلادى. سونداي-اق، اۋىلدا تۇرعىن ءۇي سالۋ كەزىندە شىعىنداردىڭ %50 سۋبسيديالاۋ جوسپارلانعان.

وتكەن جىلدان باستاپ «وتباسى بانكى» «نۇرلى جەر» باعدارلاماسىنىڭ جاڭا باعىتىن ىسكە اسىرۋدا.

«شاڭىراق» جوباسى (5-10-20) كەزەكتە تۇرعاندارعا جەڭىلدەتىلگەن يپوتەكا الۋعا مۇمكىندىك بەرەدى. قازىردىڭ وزىندە 260 ءوتىنىم بەرىلدى، 41 ءوتىنىم ماقۇلداندى. بيىل وبلىستا 662 مىڭ شارشى مەتر تۇرعىن ءۇيدى پايدالانۋعا بەرۋ جوسپارلانعان، بۇل 2,9 مىڭ كەزەكتە تۇرعانداردى باسپانامەن قامتاماسىز ەتۋگە مۇمكىندىك بەرەدى.

«تۇرعىن ءۇي الۋعا كەزەكتە تۇرعان ازاماتتاردىڭ سانى جىل سايىن ءوسىپ كەلەدى. بۇگىندە بۇل وبلىستىڭ 36233 تۇرعىنى. بيىل كەزەكتە تۇرعان 2,9 مىڭ ادامدى تۇرعىن ۇيمەن قامتاماسىز ەتۋ جوسپارلانۋدا»، - دەدى ابزال جايلىبايەۆ.

ەندى تۇرعىن ءۇي كەزەگىندە تۇرعاندار تۋرالى بارلىق دەرەكتەر ءبىر جەرگە بىرىكتىرىلەدى.

«وتباسى بانكى» بازاسىندا تۇرعىن ۇيمەن قامتاماسىز ەتۋ جونىندەگى ءبىرىڭعاي ورتالىق قۇرىلادى. مۇندا كەزەكتە تۇرعاندار بويىنشا بارلىق دەرەكتەر ەنگىزىلەدى جانە تۇرعىن ءۇي كەزەككە قويىلعان كۇنى بويىنشا بولىنەتىن بولادى. تۇرعىن ۇيمەن قامتاماسىز ەتۋ ماسەلەسى وبلىس اكىمىنىڭ ەرەكشە باقىلاۋىندا.

«قالالار مەن اۋدانداردىڭ اكىمدەرىنە ءوڭىر تۇرعىندارىن تۇرعىن ۇيمەن قامتاماسىز ەتۋگە ەرەكشە نازار اۋدارۋ قاجەت. «نۇرلى جەر»، «باقىتتى وتباسى» باعدارلامالارى ۋاقتىلى جانە ساپالى ىسكە اسىرىلۋى ءتيىس. حالىقتى مەملەكەتتىك باعدارلامالار تۋرالى الەۋمەتتىك جەلىلەر مەن باق ارقىلى حاباردار ەتۋدى قامتاماسىز ەتۋ قاجەت. سونداي- اق، قۇرىلىس يندۋسترياسىن دامىتۋ كەرەك. بۇل رەتتە وڭىرلىك قۇرىلىس ماتەريالدارىن ساتىپ الۋعا جانە قولدانۋعا نازار اۋدارۋ ماڭىزدى»، - دەپ تاپسىردى جەڭىس قاسىمبەك.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات