كوۆيد: الماتىدا 7 مىڭنان استام توسەك- ورىن دايىندالدى

None
None
الماتى. قازاقپارات - الماتى اكىمى باقىتجان ساعىنتايەۆ ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگىدە پاندەميانىڭ جاڭا تولقىنى مەن مەگاپوليستىڭ سانيتارلىق- ەپيدەميولوگيالىق قاۋىپسىزدىگىن قامتاماسىز ەتۋگە قاتىستى شارالار تۋرالى ايتتى، دەپ حابارلايدى قازاقپارات ءتىلىشسى.

الماتىدا 7011 توسەك- ورىنى بار 23 ستاتسيونار دايىندالدى. پاندەميا كەزىندە الماتىدا ءۇش جاڭا ينفەكتسيالىق ستاتسيونار سالىندى - 2 مودۋلدى كلينيكا جانە ر ۆ-90 گوسپيتالى. جەكە ينۆەستيتسيالار ەسەبىنەن ەكى كلينيكا قايتا قۇرىلدى.

«كلينيكالاردىڭ ماتەريالدىق- تەحنيكالىق بازاسىن نىعايتۋ بويىنشا جۇمىس جۇرگىزىلىپ جاتىر. وتكەن جىلى مەكەمەلەردى مەديتسينالىق جابدىقتارمەن جاراقتاندىرۋدى جاڭعىرتۋدىڭ ءۇش جىلدىق باعدارلاماسى قابىلداندى. بيىل 74 ستاتسيونار مەن كلينيكا ءۇشىن 4197 بىرلىك قۇرال- جابدىق ساتىپ الىندى»، - دەدى الماتى اكىمى ب. ساعىنتايەۆ.

ونىڭ كەلتىرگەن مالىمەتتەرى بويىنشا، جەدەل مەديتسينالىق كومەك كورسەتۋ جۇمىسى جانە ناۋقاستاردى باعدارلاۋ جاڭا الگوريتمگە اۋىستىرىلدى. جاڭا 35 جەدەل جاردەم كولىگى ساتىپ الىندى. 16-جەلتوقسانعا دەيىن قوسىمشا 50 ماشينا كەلەدى. 2021 -جىلدىڭ باسىندا تاعى 50 كولىك الىنباق. جالپىقالالىق زەرتحانالىق جەلى مەن پاتسيەنتتەردى دياگنوستيكالاۋ جۇمىسى ورتالىقتاندىرىلدى. جالپى، قۋاتتىلىعى تاۋلىگىنە 14 مىڭنان استام پ ت ر-زەرتتەۋلەرىن 22 مىڭعا دەيىن كەڭەيتۋ مۇمكىندىگى بار. قالالىق ستاتسيونارلار ءۇشىن تىكەلەي قولجەتىمدى ك ت-، م ر ت، رەنتگەن- سۋرەتتەردىڭ ءبىرىڭعاي بانكى قۇرىلدى. جاساندى ينتەللەكتىگە نەگىزدەلگەن ات پلاتفورماسى وكپەنىڭ ەڭ كوپ زارداپ شەككەن ايماعىن انىقتايدى. ول دارىگەرلەرگە ناقتى دياگنوز قويۋعا جانە ەم- دومنىڭ ساپاسىن جاقسارتۋعا كومەكتەسەدى. سونىمەن بىرگە، امبۋلاتورلىق دەڭگەيدە مەديتسينالىق كومەك كورسەتۋدىڭ ماڭىزدى بۋىنى (ءتۇيىنى) بولىپ تابىلاتىن العاشقى مەديتسينالىق- سانيتارلىق كومەكتىڭ جۇمىسى كۇشەيتىلدى.

«وتكەن جىلى ءبىز جاقىن ورنالاسقان قولجەتىمدى جەردەن مەديتسينالىق قىزمەت تۇرلەرىمەن قامتاماسىز ەتۋ بويىنشا ءۇش جىلدىق قالالىق جوسپاردى قابىلدادىق. بارلىعى 35 امبۋلاتوريا سالىنادى. 16 امبۋلاتوريا ىسكە قوسىلدى، كەلەسى جىلى تاعى 11 امبۋلاتوريا پايدالانۋعا بەرىلەدى»، - دەپ اتاپ ءوتتى مەگاپوليس اكىمى ب. ساعىنتايەۆ.

ءبىرىنشى ەشەلون ستاتسيونارلارىن مەديتسينالىق گازبەن، سونىڭ ىشىندە وتتەگىنىڭ ورتالىقتاندىرىلعان جۇيەسىمەن قامتاماسىز ەتۋ جونىندەگى جالپىقالالىق باعدارلاما ىسكە اسىرىلۋدا. قالانىڭ مەديتسينالىق ۇيىمدارىنىڭ كارىز سۋلارىنىڭ بيولوگيالىق قاۋىپسىزدىگى رەجيمى ەنگىزىلدى. مەديتسينالىق قالدىقتاردى كادەگە جاراتۋعا باقىلاۋ كۇشەيتىلدى.

سوڭعى جاڭالىقتار