ءاميانعا سالۋعا بولمايتىن 7 زات

None
None
نۇر-سۇلتان. قازاقپارات - كۇندەلىكتى قاجەت دۇنيەلەردىڭ ءبىرشاماسىن ءاميانعا سالىپ جۇرەمىز.

وندا تەك اقشا عانا ەمەس، بانك كارتالارى، قۇجاتتار، ۆيزيتكالار، ت. ب. قاجەتتى زاتتاردى ساقتايمىز.

ءاميانعا سالۋعا بولمايتىن زاتتار بار. جوعالتقاندا نەمەسە ۇرلاتىپ العاندا بارىنەن ءبىر-اق ساتتە ايىرىلىپ قالارىمىز انىق. سوندىقتان دا ءبىز ايتقالى جاتقان زاتتاردى سالىپ جۇرۋدەن اۋلاق بولىڭىز.

• بانك كارتالارى مەن قۇپيا سوزدەرى

قاجەتتى بانك كارتالارىن ءاميانعا سالىپ جۇرگەن ىڭعايلى-اق. ءبىراق ۇمىتىپ قالامىن نەمەسە جوعالتىپ الامىن دەپ كارتالاردىڭ قۇپيا سوزدەرىن سالىپ جۇرمەگەنىڭىز ءجون. سەبەبى جوعالتقان، نە ۇرلاتقان جاعدايدا كارتاڭىزداعى اقشاڭىزدان دا ايىرىلىپ قالۋىڭىز مۇمكىن.

بارلىق بانك كارتالارىن سالىپ جۇرمەڭىز. ۇيدە ءبىر بانك كارتاسىن قالدىرعانىڭىز ءجون. جوعالعان جاعدايدا وزگە بانك كارتالارىنداعى اقشالاردى ونلاين بانكينگ ارقىلى ۇيدەگى كارتاڭىزعا اۋدارىپ الاسىز. قولدى بولعان ءاميانداعى كارتالاردى كوپ ۋاقىت وتپەي بانك بولىمشەسىنە حابارلاسىپ، بۇعاتتاپ تاستاۋ قاجەت.

قاجەتتى سايت قۇپيا سوزدەرى

كۇندەلىكتى كىرەتىن سايتتاردىڭ قۇپيا سوزدەرىن دە ۇمىتىپ قالۋىمىز مۇمكىن. ول ءۇشىن ۇيالى تەلەفونعا نەمەسە ءبىر جاپىراق قاعازعا جازىپ ءاميانعا ساقتاپ قوياتىن جاندار بارشىلىق. بۇل - دۇرىس جوسپار ەمەس. سەبەبى قۇپيا ءسوزدى قولعا تۇسىرگەن ادام سىزگە قاجەتتى سايتتارعا كىرىپ، الەۋمەتتىك جەلىدە ءسىزدىڭ اتىڭىزبەن وتىرىپ، دوستارىڭىزدان، تانىستارىڭىزدان اقشا سۇراۋى مۇمكىن. ءتىپتى ەلەكتروندى ءاميانىڭىزدان قارجى جىمقىرماسىنا كىم كەپىل؟

سىيلىق كارتالارى

مەرەكە كەزىندە سىيلىق كارتالارىن سىيعا الاتىن ساتتەر بولادى. ونى دا جوعالىپ كەتپەس ءۇشىن ءاميانعا سالىپ جۇرەمىز. ال ءامياندى جوعالتىپ الساق، بۇل كارتالاردى قايتا قالپىنا كەلتىرۋ مۇمكىن ەمەس.

سىيلىق كارتالارىن تەزىرەك اجەتىڭىزگە جاراتقانىڭىز ابزال. جوعالتىپ الۋدان بۇرىن ۋاقىتى ءوتىپ كەتۋى دە مۇمكىن.

قوماقتى قارجى

ءامياندا قوماقتى قارجىنى ساقتاۋعا بولمايدى. بۇكىل ايلىقتى الا سالا قالتاڭىزعا سالىپ جۇرمەڭىز. جوعالتساڭىز ءبىراز شىعىنعا ۇشىرايسىز. ەڭ دۇرىسى وزىڭىزگە قاجەت بولاتىن از قارجىنى عانا سالىپ ءجۇرىڭىز. اسا قاجەت جاعدايدا كارتادان شىعارىپ الۋعا بولاتىنىن نازاردا ۇستاعايسىز.

قوماقتى قارجىنى الىپ جۇرمەۋدىڭ تاعى ءبىر سەبەبى - وزگەنىڭ نيەتى بۇزىلۋى مۇمكىن. ءاميانىڭىزدا كوپ اقشا بارىن بايقاعان كەيبىرەۋ قاستاندىق جاساماسىنا كىم كەپىل؟

قۇجاتتار

ءاميانعا بارلىق قاجەتتى قۇجاتتاردى سالىپ جۇرەتىنىمىز دە جاسىرىن ەمەس. بارلىق قۇجاتتاردى سالىپ جۇرۋگە بولمايدى. بۇگىن قاجەت بولادى-اۋ دەگەنىن عانا الا جۇرگەن ابزال. اميانمەن قوسا بارلىعىن بىردەي جوعالتساڭىز، ءبىر كۇندە بار قۇجاتىڭىزدان ايىرىلاسىز. ولاردى قايتا قالپىنا كەلتىرۋ ءۇشىن ايتارلىقتاي ۋاقىت جۇمساۋعا تۋرا كەلەدى.

ءۇيدىڭ كىلتى

ءاميانعا ءۇيدىڭ قوسىمشا كىلتىن سالىپ تا جۇرمەڭىز. ول كىلت ۇرىلاردىڭ قولىنا تۇسسە، ءسىزدىڭ قايدا تۇراتىنىڭىزدى انىقتاپ، ءۇيىڭىزدى توناۋى مۇمكىن. اميانمەن قوسا كىلتتى جوعالتقان جاعدايدا قۇلپىڭىزدى اۋىستىرۋعا كەڭەس بەرەمىز. ساقتىقتا قورلىق جوق.

كاسسا چەكتەرى

بۇل ەندى دەننىڭ ساۋلىعىنا قاتىستى. ادەتتە سۋپەرماركەتتەن ساۋدا جاساپ، بەرگەن چەكتى ءاميانعا توعىتا سالامىز. ال سول تەرموقاعازداعى جازۋ ءۇشىن «ا» بيوسفەنولى قولدانىلادى. ال بۇل «ا» بيوسفەنولى ۋىتتى زاتتار قاتارىنا جاتادى.

جۋىردا گرانادا ۋنيۆەرسيتەتىنىڭ (يسپانيا) زەرتتەۋشىلەرى كاسسا چەكتەرىنەن اباي بولۋعا شاقىردى. ءامياندا ساقتاۋ مەن قولدا كوبىرەك ۇستاۋ ادام دەنساۋلىعىنا اسا زياندى ەكەن. سەبەبى ونداعى «ا» بيوسفەنولى قاتەرلى ىسىك اۋرۋلارى، قانت ديابەتى جانە جۇرەك-قان تامىرلارى اۋرۋلارىنا شالدىقتىرۋى مۇمكىن.

ءاميانىڭىزدا نە بار؟ ءبىر قاراپ قويىڭىز.

massaget.kz

سوڭعى جاڭالىقتار