پوليتسەيلەرگە قۇجاتىن كورسەتپەگەن اتىراۋلىق 7 جىل كولىك جۇرگىزۋ قۇقىعىنان ايىرىلدى
اتىراۋ قالالىق پوليتسيا باسقارماسىنىڭ پاترۋلدىك پوليتسيا قىزمەتكەرلەرى 17 - قازاندا تۇنگى ساعات 01:30-دا تاسقالا اۋىلىنىڭ 9-كوشەسىندە «Skoda Rapid» ماركالى اۆتوكولىكتى توقتاتقان. سول كەزدە جۇرگىزۋشىدەن الكوگولدىك ىشىمدىكتىڭ ءيىسى بايقالعان.
«جۇرگىزۋش جەكە باسىن انىقتاۋ ماقساتىندا قۇجاتتارىن سۇراعان پوليتسيا قىزمەتكەرلەرىنىڭ زاڭدى تالابىنا باعىنباعان. پوليتسيا قىزمەتكەرلەرىنە قارسىلىق كورسەتىپ، قۇجاتتارىن بەرۋدەن باس تارتقان. پاترۋلدىك پوليتسەيلەر ماس جۇرگىزۋشىنى وبلىستىق ناركولوگيالىق ديسپانسەرگە جەتكىزىپ، ساراپتامادان وتكىزدى. ساراپتاما قورىتىندىسىمەن 34 جاستاعى جۇرگىزۋشىنىڭ جەڭىل دارەجەدەگى ماساڭ كۇيدە ەكەندىگى انىقتالدى» - دەپ حابارلادى وبلىستىق پوليتسيا دەپارتامەنتىنىڭ باسپا ءسوز قىزمەتى.
ماس جۇرگىزۋشىگە قاتىستى ق ر اكىمشىلىك قۇقىق بۇزۋشىلىق تۋرالى كودەكستىڭ ەكى بابىمەن (اۆتوكولىكتى ماساڭ كۇيدە باسقارعانى جانە پوليتسيا قىزمەتكەرىنىڭ زاڭدى تالابىنا باعىنباۋ) حاتتامالار تولتىرىلىپ، سوتقا جولدانعان. اكىمشىلىك سوتتىڭ شەشىمىمەن قالا تۇرعىنى 7 جىلعا كولىك قۇرالىن باسقارۋ قۇقىعىنان ايىرىىپ، 15 تاۋلىككە قاماۋعا الىندى.
ەسكە سالا كەتەلىك، بۇدان بۇرىن اتىراۋدا 385 ماس جۇرگىزۋشى جەتى جىلعا كولىك جۇرگىزۋ قۇقىعىنان ايرىلعان ەدى.
اۆتور: بەك مۇستافا