+7 (701) 759 90 19
8 °С : نۇر-سۇلتان
19 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

سمارتفوندى قۋاتتاعاندا ەسكەرەتىن 7 ەرەجە

1 قازان 21:16
:ءبولىسۋ
سمارتفوندى قۋاتتاعاندا ەسكەرەتىن 7 ەرەجە

نۇر-سۇلتان. قازاقپارات - زاماناۋي سمارتفونداردىڭ قۋاتى ۇزاق ۋاقىتقا جەتەتىنىمەن ەرەكشەلەنەدى.

دەگەنمەن سمارتفوندى قۋاتتاۋدىڭ دا ءوز اۋرەسى بار. ەندەشە ونى قالاي دۇرىس قۋاتتاۋ قاجەت؟

Massaget.kz ءتىلشىسى تەحنيكا ماماندارىنىڭ كەڭەسىن توپتاستىردى.

1. ۇيىقتار الدىندا قۋات كوزىنە قوسىلىپ تۇرعان سمارتفوندى جاستىقتىڭ استىنا قويۋعا بولمايدى. جىلدام قۋاتتالاتىن سمارتفوندار تەز قىزىپ كەتەدى. سوندىقتان جاستىقتىڭ استىنا قويىپ نە ۇستىنە زات باستىرىپ قويۋعا بولمايدى. وندىرۋشىلەر قاجەت بولسا سمارتفوننىڭ تىسقابىن الىپ تاستاۋعا كەڭەس بەرەدى.

2. جۇرگىزۋشىلەردىڭ كوبى تەلەفوندارىن كولىگىندە قۋاتتايدى. الايدا وتالدىرماي تۇرىپ، گادجەتتى قۋاتتاۋعا قويماۋ كەرەك. سەبەبى موتور وتالعاندا ۇيالى قۇرىلعىڭىزعا ەداۋىر زيان كەلۋى مۇمكىن.

3. ۆاننادا سۋعا تۇسكەن ۋاقىتتا قۋات كوزىنە قوسىلىپ تۇرعان سمارتفوندى قولدانۋعا بولمايدى. بايقاۋسىزدا سمارتفونىڭىز سۋعا قۇلاعان جاعدايدا ىستەن شىعۋى مۇمكىن. وعان قوسا سۋدىڭ ەلەكتر توگىن جاقسى وتكىزەتىنىن ەستەن شىعارماڭىز.

4. سمارتفونىڭىزدى 100 پايىزعا دەيىن قۋاتتاماڭىز. ايتپەگەندە، اككۋمۋلياتور تەز توزىپ، ۋاقىتىنا جەتپەي ىستەن شىعادى. قۋاتى تومەندەپ، سمارتفونىڭىزدىڭ ءوشۋىن كۇتۋ دە دۇرىس ەمەس. ەڭ ءتيىمدىسى - اككۋمۋلياتور قۋاتىن 45-85 پايىز ارالىعىندا ۇستاۋ.

5. ساپاسى ناشار قۋاتتاندىرعىش قۇرالداردى قولدانۋدان اۋلاق بولىڭىز. مەيلىنشە، ءوزىنىڭ وريگينال نە تانىمال وندىرۋشىلەردىڭ قۋاتتاۋ قۇرالىن العان دۇرىس.

6. اككۋمۋلياتوردىڭ باستى جاۋى - جوعارى تەمپەراتۋرا. سوندىقتان موبيلدى قۇرىلعىلارعا كۇن ساۋلەسىنىڭ تىكەلەي تۇسۋىنە جول بەرمەڭىز، سونىمەن قاتار جىلۋ قۇبىرلارىنىڭ جانىنا قويماڭىز.

7. تەلەفونعا كوپ كۇش تۇسىرەتىن، كوپ قۋاتىن الاتىن باعدارلامالار بولادى. ءبىر نەمەسە بىرنەشە باعدارلامانى قاتار پايدالاناتىڭىز دا راس. قۋاتتاۋ كەزىندە قانداي دا ءبىر باعدارلامانى پايدالانباعان ءجون-اق. اسىرەسە ءتۇرلى ويىنداردى قۋاتتاپ بولعاننان كەيىن دە جالعاستىرا بەرۋگە بولادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات