+7 (701) 759 90 19
-17 °С : نۇر-سۇلتان
-5 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

جەردىڭ عارىشتان تۇسىرىلگەن تاڭعاجايىپ 7 فوتو سۋرەتى

24 قىركۇيەك 11:11
:ءبولىسۋ
جەردىڭ عارىشتان تۇسىرىلگەن تاڭعاجايىپ 7 فوتو سۋرەتى

نۇر-سۇلتان. قازاقپارات - عارىش كەمەسىنىڭ تەرەزەسىنەن الىستاپ بارا جاتقان جەردى تاماشالاۋ - عارىشكەرلەردىڭ سۇيىكتى ءىسى دەرسىز.

كوككە كوتەرىلگەن عارىشكەرلەر جەردى سۋرتكە كوپ تۇسىرەدى. نازارىڭىزعا حالىقارالىق عارىش ايلاعىنان تۇسىرىلگەن ەڭ ەرەكشە فوتولاردى ۇسىنامىز.

1. سۋرەتتەن ماداگاسكار ارالىنىڭ سولتۇستىك-باتىسىندا ورنالاسقان بەتسيبۋك وزەنىنىڭ ساعاسىن كورۋگە بولادى. بۇل فوتونى 2005-جىلى 8- ناۋرىز كۇنى حالىقارالىق عارىش ايلاعىندا ىستەگەن ح ع ا-10 ەكيپاجى تۇسىرگەن.

2. سۋرەتتە اتلانت داۋىلى ماۋسىمىنىڭ ەڭ جويقىن تروپيكالىق تسيكلونى - «دين» داۋىلى بەينەلەنگەن. فوتوسۋرەت 2007-جىلى ينديەۆور عارىش كەمەسىندە بولعان ەكيپاجعا تيەسىلى.

3. 1984-جىلدىڭ 5-13- قازانى. ۇلكەن گيمالاي تاۋلارى. فوتوسۋرەتكە ءۇندىستان، پاكىستان جانە قىتاي اۋماعى ەنگەن. سۋرەتتى 6-شى «چەللەندجەر» شاتتلىنىڭ ەكيپاجى تۇسىرگەن.

4. سولتۇستىك امەريكادا ورنالاسقان ۇلى كولدەر. سۋرەتتىڭ تومەنگى جاعىنان ونتاريو كولىن، ال ورتا تۇسىندا دەترويت قالاسىن بايقاۋعا بولادى. فوتوسۋرەت 1994-جىلى ۇشقان 19-شى Discovery كەمەسىنەن تۇسىرىلگەن.

5. سولتۇستىك امەريكاداعى چۋگيناداك ارالىندا ورنالاسقان كليۆلەند جانارتاۋىنىڭ اتقىلاعان ءساتى. 2006 -جىلى حالىقارالىق عارىش ايلاعىنا بەتتەگەن ەكيپاج جانارتاۋ اتقىلاۋىنىڭ كۋاسى بولعان.

6. تاڭعاجايىپ ماداگاسكار. «سويۋز مس-08» عارىش كەمەسىنىڭ بورتينجەنەرى ريككي ارنولدتىڭ 2018-جىلى افريكا ۇستىنەن تۇسىرگەن سۋرەتى.

7. ال بۇل تانىمال سۋرەتتى 1972-جىلى «اپوللون-17» ميسسياسىنىڭ ەكيپاجى جەردەن 29000 شاقىرىم قاشىقتىقتا تۇسىرگەن. فوتوسۋرەتتى كوگىلدىر ماربل دەپ اتاپ كەتكەن.

massaget.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات