+7 (701) 759 90 19
8 °С : نۇر-سۇلتان
24 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

سولتۇستىك قازاقستاننىڭ 7 اۋدانىندا قۇس تۇماۋىنىڭ وشاعى انىقتالدى

17 قىركۇيەك 10:46
:ءبولىسۋ
سولتۇستىك قازاقستاننىڭ 7 اۋدانىندا قۇس تۇماۋىنىڭ وشاعى انىقتالدى

نۇر-سۇلتان. قازاقپارات - سولتۇستىك قازاقستان وبلىسىندا جوعارى پاتوگەندى قۇس تۇماۋىنىڭ تارالۋىنا جول بەرمەۋ ماقساتىندا كەشەندى شارالار قابىلدانۋدا: ۆاكتسينالار الىندى، ىندەت تىركەلگەن اۋماقتار زالالسىزداندىرىلۋدا، قۇستاردىڭ ولەكسەلەرى جويىلۋدا، قۇس شارۋاشىلىعى ونىمدەرىن تاسىمالداۋعا تىيىم سالىندى، دەپ حابارلايدى ق ر ا ش م باسپا ءسوز قىزمەتى.

سولتۇستىك قازاقستان وبلىسىنىڭ جەتى اۋدانىندا (تيميريازيەۆ، تايىنشا، جامبىل، قىزىلجار، شال اقىن، ع. مۇسىرەپوۆ، م. جۇمابايەۆ) اعىمداعى جىلدىڭ 9-16- قىركۇيەك ارالىعىندا ءارتۇرلى ءۇي قۇستارىنىڭ ءولىمى تىركەلدى. ۇلتتىق انىقتامالىق ورتالىق قۇستاردىڭ قىرىلۋىنىڭ سەبەبى جوعارى پاتوگەندى قۇس تۇماۋى ەكەنىن انىقتادى.

قابىلدانعان ەرەجەلەرگە سايكەس، قازاقستان رەسپۋبليكاسى دۇنيەجۇزىلىك جانۋارلار دەنساۋلىعىن ساقتاۋ ۇيىمىنا اۋرۋدىڭ ءورشۋى تۋرالى حابارلادى. ەلدەگى ەپيدەميالىق جاعدايدى شۇعىل قالپىنا كەلتىرۋ جانە قۇس تۇماۋىنىڭ تارالىپ كەتپەۋىنە جول بەرمەۋ ماقساتىندا ق ر ا ش م ۆەتەريناريالىق باقىلاۋ جانە قاداعالاۋ كوميتەتى 2020-جىلعى 17- قىركۇيەكتەن باستاپ سولتۇستىك قازاقستان وبلىسىنىڭ تيميريازيەۆ، تايىنشا، جامبىل، قىزىلجار، شال اقىن، ع. مۇسىرەپوۆ، م. جۇمابايەۆ اۋدانىنان ءتىرى قۇس جانە ينكۋباتسيالىق جۇمىرتقا، مامىق پەن قاۋىرسىن، قۇس ەتى مەن قۇس شارۋاشىلىعى ونىمدەرىنىڭ بارلىق تۇرلەرىن، قۇستارعا ارنالعان جەمشوپ پەن جەمشوپ قوسپالارىن، سونداي-اق بۇرىن پايدالانۋدا بولعان قۇستاردى كۇتىپ-باعۋعا، سويۋعا جانە مۇشەلەۋگە ارنالعان جابدىقتاردى شىعارۋعا ۋاقىتشا شەكتەۋلەر ەنگىزدى.

اسا قاۋىپتى اۋرۋدى جويۋ ءۇشىن قر اشم ۆەتەريناريالىق باقىلاۋ جانە قاداعالاۋ كوميتەتىنىڭ رەسپۋبليكالىق ەپيزووتياعا قارسى وتريادى جانە سولتۇستىك قازاقستان اۋماقتىق ينسپەكتسياسى قازىرگى ۋاقىتتا مىندەتتى ءىس-شارالار كەشەنىن، ونىڭ ىشىندە قۇستاردىڭ ولەكسەلەرىن جويۋ، ءۇي-جايلار مەن اۋلا اۋماقتاردى دەزينفەكتسيالاۋ جۇمىستارىن جۇرگىزۋدە.

رەسەي فەدەراتسياسىمەن شەكارالاس اۋماقتاردا جانۋارلاردى ۆاكتسيناتسيالاۋ ءۇشىن جوعارى پاتوگەندى قۇس تۇماۋىنا قارسى 873 مىڭ وتاندىق پرەپارات ءبولىندى.

ارنايى كوميسسيانىڭ شەشىمىمەن ق ر ا ش م ۆەتەريناريالىق باقىلاۋ جانە قاداعالاۋ كوميتەتىنىڭ رەسپۋبليكالىق ەپيزووتياعا قارسى وتريادى ولگەن قۇستاردىڭ يەلەرىنە جانۋارلاردىڭ ورتاشا ايلىق نارىقتىق قۇنى مولشەرىندە وتەماقى تولەيدى.

ءوڭىردىڭ ەپيزووتيالىق جاعدايى ق ر اۋىل شارۋاشىلىعى مينيسترلىگىنىڭ باقىلاۋىندا.

ەستەرىڭىزگە سالساق، اعىمداعى جىلدىڭ 26- تامىزىندا ق ر ا ش م ۆەتەريناريالىق باقىلاۋ جانە قاداعالاۋ كوميتەتى رەسەي فەدەراتسياسىنىڭ ومبى وبلىسىنان قۇس تۇماۋىنىڭ جوعارى پاتوگەندى ۆيرۋسىنىڭ ورشۋىنە بايلانىستى ءتىرى قۇستاردى، قۇس شارۋاشىلىعى ونىمدەرىن جانە ىلەسپە تاۋارلاردى قازاقستانعا الىپ كەلۋگە شەكتەۋ ەنگىزدى.

الايدا، ماماندار مەن عالىمداردىڭ پىكىرىنشە جوعارى پاتوگەندى قۇس تۇماۋىنىڭ تارالۋىنىڭ قوزدىرعىشى تەك كورسەتىلگەن تاۋارلاردىڭ ساناتتارى ارقىلى عانا ەمەس، سونىمەن قاتار جابايى قونىس اۋداراتىن قۇستاردان دا تارالۋى مۇمكىن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات