+7 (701) 759 90 19
4 °С : نۇر-سۇلتان
7 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

جامبىل وبلىسىندا اتقا ءمىنىپ، جوعالىپ كەتكەن 7 جاسار بالا تابىلدى

16 قىركۇيەك 18:04
:ءبولىسۋ
جامبىل وبلىسىندا اتقا ءمىنىپ، جوعالىپ كەتكەن 7 جاسار بالا تابىلدى

تاراز. قازاقپارات - جامبىل وبلىسىندا جوعالىپ كەتكەن 7 جاسار ەرىك رىسبايدى ىزدەۋ جۇمىسى اياقتالدى. بالا ءدىن امان، ونىڭ ومىرىنە ەشقانداي قاۋىپ ءتونىپ تۇرعان جوق، دەپ حابارلايدى قازاقپارات ءتىلشىسى.

جامبىل وبلىستىق پوليتسيا دەپارتامەنتىنىڭ باستىعى، پوليتسيا گەنەرال- مايورى جانات سۇلەيمەنوۆ كامەلەتكە تولماعان بالانى اۋقىمدى ىزدەستىرۋ ءىس- شارالارىن ءوزى باسقاردى. بالانى پوليتسيا قىزمەتكەرلەرى مەن جاناشىر جەرگىلىكتى تۇرعىندار كوكجىلەك اۋىلىندا، قامىس اراسىنان تاپتى. ول كەشە تۇندە سول جاقتا تۇنەپ شىققان.

بۇل تۋرالى وبلىستىق پوليتسيا دەپارتامەنتىنىڭ باسپا ءسوز قىزمەتى حابارلادى.

«بالانى ىزدەستىرۋگە 400-دەن استام ادام، ونىڭ ىشىندە پوليتسيا، اكىمدىك، توتەنشە جاعدايلار دەپارتامەنتى قىزمەتكەرلەرى، ەرىكتىلەر، سونداي- اق ت ج د تىكۇشاعى جانە جەرگىلىكتى ورمان شارۋاشىلىقتارىنىڭ ءبىرىنىڭ ان-2 ۇشاعى جۇمىلدىرىلدى» دەلىنگەن ۆەدومستۆو حابارلاماسىندا.

ەسكە سالا كەتەيىك، بۇعان دەيىن 15 - قىركۇيەك كۇنى جامبىل وبلىسى مويىنقۇم اۋدانىندا كۇشامان اۋىلىنىڭ جەتى جاسار بالاسى ۇيدەن اتپەن شىعىپ، جوعالىپ كەتكەندىگىن حابارلاعان بولاتىنبىز.

اۆتور: سايا سەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات