قورعانىس مينيسترلىگىنىڭ 7 لاۋازىمدى تۇلعاسى سوتتالدى

None
None
نۇر- سۇلتان. قازاقپارات - بيىل قورعانىس مينيسترلىگى سالاسىندا جاسالعان سىبايلاس جەمقورلىق قىلمىستاردىڭ سانى ارتقان. بۇل تۋرالى Antikor News جوباسىنىڭ تىكەلەي ەفيرىندە ايتىلدى، دەپ حابارلايدى قازاقپارات ءتىلشىسى.

«اعىمداعى جىلى قورعانىس مينيسترلىگى سالاسىندا جاسالعان سىبايلاس جەمقورلىق قىلمىستاردىڭ سانى ارتقانىن اتاپ وتكەن ءجون. وسى جىلدىڭ 7 ايىندا 2019 -جىلدىڭ وسى كەزەڭىمەن سالىستىرعاندا قىلمىستىق ىستەردىڭ سانى 11-دەن 31-گە دەيىن ءۇش ەسەگە ارتتى. ونىڭ ىشىندە: 22- ءسى (2019 ج. 7-ايدا - 9 ءىس) سوتقا جىبەرىلىپ، قورعانىس مينيسترلىگىنىڭ 7 لاۋازىمدى تۇلعاسى سوتتالدى.»، - دەيدى اگەنتتىكتىڭ اپپارات باسشىسى قۋانىش جاپاقوۆ.


ول وتكەن اپتادا ق ر قورعانىس مينيسترلىگىنىڭ كادر قىزمەتىندە جۇيەلى سىبايلاس جەمقورلىق فاكتىلەرى انىقتالعانىن ايتتى.

«الماتى قالاسى بويىنشا سىبايلاس جەمقورلىققا قارسى قىزمەت الماتى قالاسى قورعانىس دەپارتامەنتىنىڭ ءبولىم باستىعى مەن الماتى قالاسى پوليتسيا دەپارتامەنتىنىڭ ينسپەكتورىنا قاتىستى سوتقا دەيىنگى تەرگەۋدى باستادى. ولار ادامدار توبىمەن الدىن الا ءسوز بايلاسۋ ارقىلى اسكەري قىزمەتكە جارامسىز رەتىندە اسكەري بيلەت بەرۋگە جاردەم كورسەتۋ سىلتاۋىمەن اسكەرگە شاقىرىلۋشىدان 1 مىڭ ا ق ش دوللارىن قۇرايتىن اقشالاي قاراجاتتى الداپ العان. جاسىرىن تەرگەۋ ارەكەتتەرىن جۇرگىزۋ بارىسىندا ءبولىم باستىعى ءىسساپارعا جىبەرىلگەن ينسپەكتور ارقىلى 1000 ا ق ش دوللارى سوماسىنداعى اقشا قاراجاتىن الۋ فاكتىسى قۇجاتتالدى. كۇدىكتىلەرگە قاتىستى پروتسەسسۋالدىق ۇستاۋ شاراسى كىناسىن تولىق مويىنداۋعا بايلانىستى قولدانىلعان جوق»، - دەيدى ول.

ەسكە سالا كەتسەك، بۇگىن Antikor News جوباسىنىڭ تىكەلەي ەفيرىندە ق ر پرەزيدەنتىنىڭ قازاقستان حالقىنا جولداۋىندا ايتىلعان سىبايلاس جەمقورلىققا قارسى رەفورمالاردى ىسكە اسىرۋ تۋرالى ايتىلدى.

اۆتور: زارينا قاھارمان


سوڭعى جاڭالىقتار