+7 (701) 759 90 19
15 °С : نۇر-سۇلتان
21 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

دەپۋتاتتار ەلوردانىڭ 7 ءدارىحاناسىنان كوروناۆيرۋس پەن پنيەۆمونياعا قارسى پرەپارات تاپپادى

13 شىلدە 12:14
:ءبولىسۋ
دەپۋتاتتار ەلوردانىڭ 7 ءدارىحاناسىنان كوروناۆيرۋس پەن پنيەۆمونياعا قارسى پرەپارات تاپپادى

نۇر-سۇلتان. قازاقپارات - ەلوردادا ءماجىلىس جانە ءماسليحات دەپۋتاتتارى جەمقورلىققا قارسى كۇرەس قىزمەتكەرلەرىمەن بىرگە ءدارىحانالاردى ارالاپ، پرەپاراتتار باعاسىنا مونيتورينگ جاسادى.

قازاقپارات بۇل تۋرالى سىبايلاس جەمقورلىققا قارسى ءىس-قيمىل اگەنتتىگى نۇر-سۇلتان قالالىق دەپارتامەنتىنىڭ باسپا ءسوز قىزمەتىنە سىلتەمە جاساپ حابارلايدى.

بۇگىن قۇرامىنا نۇر-سۇلتان قالاسىنىڭ سىبايلاس جەمقورلىققا قارسى قىزمەت دەپارتامەنتى باسشىسىنىڭ مىندەتىن اتقارۋشى مەلس اقىلبايەۆ، دەپارتامەنت باسشىسىنىڭ ءبىرىنشى ورىنباسارى جازيرا جىلقىشيەۆا، پارلامەنت ءماجىلىسىنىڭ دەپۋتاتى سنەجاننا يماشيەۆا، قالالىق ءماسليحاتتىڭ دەپۋتاتى رامزيا ومىربايەۆا، دەنساۋلىق ساقتاۋ مينيسترلىگى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى باسقارماسىنىڭ باسشىسى ەركەبۇلان بايتۋبايەۆ، «استانا - ادالدىق الاڭى» جوباسىنىڭ مەنەدجەرلەرى مەن ارنايى باقىلاۋ توبىنىڭ مۇشەلەرى ەنگەن جۇمىس توبى قالا ءدارىحانالارىنا مونيتورينگ جاسادى.

جالپى الەۋمەتتىك جەلىلەر مەن «استانا - ادالدىق الاسى» جوباسىنىڭ تەلەفونىنا ازاماتتاردىڭ قىمبات باعالارى تۋرالى 30 دان استام شاعىم تۇسكەن. جۇمىس توبى 7 ءدارىحاناعا: كەرەي مەن جانىبەك حاندار كوشەسىندەگى «پۋلس» ءدارىحاناسىنا، 16E كوشەسىندەگى «ەلحان» دۇكەنىندەگى ءدارىحاناعا، قونايەۆ كوشەسىندەگى «ORYNKUL FARM» ج ش س- عا، ابىكەن كوشەسىندەگى «D3» ءدارىحاناسىنا، جۇرگەنوۆ كوشەسىندەگى «Family Farm» ءدارىحاناسىنا، «اۋليە- اتا»، «ودادويا» جانە «سالامات» تۇرعىن ءۇي كەشەنىندەگى ءدارىحانالارعا باردى.

مونيتورينگ بارىسىندا بارلىق ءدارىحانادا كورونوۆيرۋس ينفەكتسياسىن جانە پنيەۆمونيانى ەمدەۋگە ارنالعان ازيتروميتسين، تاميفلۋ، تسەفترياكسون، كلەكسان، پاراتسەتامول، اسپيرين، ينگاۆيرين، سۋمامەد، حارەلتو سياقتى پرەپاراتتاردىڭ جوقتىعى انىقتالدى.

ابىلايحان كوشەسىندەگى 54 «ا» مەكەنجايى بويىنشا ءبىر عانا ءدارىحانادا بارلىق قاجەتتى ءدارى-دارمەك بار بولعانىمەن، ساتىپ الۋشىلاردىڭ ايتۋىنشا، ۇزىن-سونار كەزەك تاڭەرتەڭنەن تارقاماعان. سونىمەن قاتار، ازاماتتار ونداعى باعانىڭ شامادان تىس بولۋىنا شاعىمدانعان.

«بارلىق ءدارىحانادا فارماتسيەۆت-ساتۋشىلار دەنساۋلىق ساقتاۋ ءمينيسترىنىڭ ءدارى-دارمەكتى شەكتى باعامەن ساتۋ بۇيرىعىن بىلمەيتىنى بەلگىلى بولدى. انتيسەپتيكتەر بولمادى. ساتىپ الۋشىلار اراسىنداعى قاشىقتىق ساقتالماي، باعا بەلگىلەرى كورسەتىلمەي، ليتسەنزيالارى ىلىنبەگەن. جۇمىس ناتيجەلەرى بويىنشا ءدارى-دارمەك باعاسىن باقىلاۋ جانە تالداۋ ءبولىمىنىڭ باستىعى ە. بايتۋبايەۆقا انىقتالعان زاڭبۇزۋشىلىقتاردى جويۋ بويىنشا شارالار قابىلداۋ مىندەتى جۇكتەلدى. سونىمەن بىرگە ول ءدارىحانالاردىڭ باسشىلارى مەن جاۋاپتى تۇلعالاردى دەنساۋلىق ساقتاۋ مينيسترلىگىنىڭ شەكتى باعا تۋرالى بۇيرىعىمەن تانىستىرۋعا مىندەتتەلدى»، - دەلىنگەن دەپارتامەنتتىڭ حابارلاماسىندا.

اپتا باسىنان بەرى ەلوردانىڭ 24 ءدارىحاناسىندا مونيتورينگ جۇرگىزىلگەن. بۇل باعىتتاعى جۇمىستار جالعاسۋدا. ەلوردادا ءدارىحانالارداعى زاڭسىزدىقپەن بەتپە-بەت كەلسەڭىز 87751605532 WhatsApp-نومىرىنە حابارلاسۋعا بولادى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات