18:03, 09 - شىلدە 2020 | GMT +6
مەملەكەتتىك باعدارلاما اياسىندا باسپانا الماق بولعان ازامات 7 جىلعا سوتتالىپ كەتتى
نۇر- سۇلتان. قازاقپارات - مەملەكەتتىك باعدارلاما اياسىندا جالدامالى پاتەردى پارا ارقىلى بەرمەك بولعان شەنەۋنىك جانە پارا بەرۋشى ازامات سوتتالدى.
بۇل تۋرالى ق ر سىبايلاس جەمقورلىققا قارسى ءىس- قيمىل اگەنتتىگى 1- دەپارتامەنتتىڭ اسا ماڭىزدى ىستەر جونىندەگى تەرگەۋشىسى قايسار بارجاقسىنوۆ ايتتى، دەپ حابارلايدى قازاقپارات ءتىلشىسى.
«2020 -جىلدىڭ 7 - شىلدەسىندە وسكەمەن قالاسىنىڭ № 2 سوتىنىڭ ۇكىمىمەن «وسكەمەن قالاسىنىڭ جۇمىسپەن قامتۋ ورتالىعى» ك م م ديرەكتورى ا. بيعاليەۆا مەملەكەتتىك قىزمەتتە لاۋازىم اتقارۋ قۇقىعىنان ءومىر بويىنا ايرىۋ ارقىلى 7 جىلعا باس بوستاندىعىنان ايىرىلدى. ول «ەڭبەك» مەملەكەتتىك باعدارلاماسى اياسىندا جالدامالى پاتەر بەرۋ ءۇشىن د. سىدىقوۆتان 720 مىڭ تەڭگە كولەمىندە پارا العان»، - دەدى قايسار بارجاقسىنوۆ.
سونىمەن قاتار ونىڭ اتاپ وتۋىنشە، اتالعان ۇكىممەن د. سىدىقوۆ تا پارا بەرگەنى جانە الاياقتىعى ءۇشىن 7 جىل 6 ايعا باس بوستاندىعىنان ايرىلدى.