7-ماۋسىمدا اۋا رايى قۇبىلمالى بولادى
باتىس پەن شىعىستىڭ كەي جەرلەرىندە كۇن كۇركىرەپ، جاڭبىر جاۋادى. قازاقستاننىڭ قالعان اۋماعىندا كۇن اشىق، كەي جەرلەردە جەل كۇشەيىپ، وڭتۇستىك پەن وڭتۇستىك باتىستا شاڭدى داۋىل تۇرۋى ىقتيمال، دەپ حابارلايدى قازاقپارات.
«قازگيدرومەت» ر م ك مالىمەتىنشە، تۇركىستان وبلىسىنىڭ كەي جەرلەرىندە جەل 15-20، ەكپىنى 23 م/س، سونداي-اق شاڭدى داۋىل سوعۋى مۇمكىن.
جامبىل، ماڭعىستاۋ وبلىستارىنىڭ كەي جەرلەرىندە جەلدىڭ جىلدامدىعى 15-20 م/س جەتىپ، شاڭدى داۋىلمەن كۇشەيەدى.
قىزىلوردا، كۇندىز الماتى، قاراعاندى وبلىستارىنىڭ كەي جەرلەرىندە جەلدىڭ ەكپىنى 15-20 م/س بولادى.
باتىس قازاقستان وبلىسىنىڭ كەي جەرلەرىندە نايزاعاي، جەل 18 م/س كۇتىلەدى. شىعىس قازاقستان وبلىسىنىڭ كەي جەرلەرىندە كۇن كۇركىرەيدى. سولتۇستىك قازاقستان وبلىسىندا تۇندە جانە تاڭەرتەڭ كەي جەرلەرىندە تۇمان تۇسەدى.
قىزىلوردا، جامبىل وبلىستارىندا، تۇركىستان، قاراعاندى، الماتى، اقمولا، پاۆلودار وبلىستارىنىڭ كەي جەرلەرىندە، اقتوبە وبلىسىنىڭ وڭتۇستىگىندە وتە جوعارى ءورت قاۋپى كۇتىلەدى.