ەلىمىزدە كوروناۆيرۋس ءوسىمى 7 پايىزدان اسقاندا كارانتين قالاي كۇشەيتىلەدى

None
None
نۇر- سۇلتان. قازاقپارات – ق ر باس مەملەكەتتىك سانيتار دارىگەر ايجان ەسماعامبەتوۆانىڭ بەكىتكەن قاۋلىسى بويىنشا، وڭىردە كوروناۆيرۋسپەن اۋىرعان ناۋقاستار ءوسىمى 7 پايىزدان اسقان جاعدايدا وبلىستارد، الماتى، نۇر- سۇلتان، شىمكەنت قالالارىندا ءبىرقاتار شەكتەۋ شارالارى ەنگىزىلەدى، دەپ حابارلايدى قازاقپارات ءتىلشىسى.

ول شارالاردىڭ تىزبەسى مىناداي:

1) كوپشىلىك ءىس- شارالارىن (مەرەكەلىك، سپورتتىق- كوپشىلىك، ويىن- ساۋىق مادەني- كوپشىلىك ءىس- شارالاردى، كونفەرەنتسيالار، سەمينارلار، كورمەلەر جانە ت. ب. ) وتكىزۋگە تىيىم سالۋدى؛

2) كينوتەاترلار، تۇنگى كلۋبتار، فيتنەس، ترەناجەر زالدارى، ساۋدا- ويىن- ساۋىق ورتالىقتارى جانىنداعى بالالاردىڭ ويىن الاڭدارى، مەكتەپتەن تىس قوسىمشا ءبىلىم بەرۋ ۇيىمدارى، كومپيۋتەر كلۋبتارى، توكيو-2020 وليمپيادا جانە پاراوليمپيادا ويىندارىنا ۇلتتىق قۇراما كوماندالارىن دايىنداۋ ءۇشىن ولاردى پايدالانۋ كەزەڭىندە عانا ۇلتتىق وليمپيادا كوميتەتىندە اككرەديتتەلگەن سپورتتىق بازالاردى قوسپاعاندا، سپورت كەشەندەرىنىڭ قىزمەتىن توقتاتا تۇرۋدى؛

3) مەديتسينالىق كورسەتىلىمدەر بويىنشا ساپاردى قوسپاعاندا، COVID-19 بويىنشا قولايسىز ەلدەرگە حالىقارالىق سپورتتىق، مادەني، تۋريستىك ءىس- شارالارعا شىعۋعا تىيىم سالۋدى قاۋلى ەتتى.

4) حالىقتىڭ تىنىس- تىرشىلىگىن قامتاماسىز ەتەتىن ۇيىمداردىڭ قىزمەتكەرلەرىن، سونداي- اق مەديتسينالىق كورسەتىلىمدەر بويىنشا شىعاتىن جانە كىرەتىن ادامداردى، سونداي- اق كارانتين ەنگىزىلگەن كەزەڭدە ستاتسيونارلاردا ەمدەۋدە جانە كارانتيندىك جانە پروۆيزورلىق ستاتسيونارلاردا باقىلاۋدا بولعان ادامداردىڭ شىعۋىن قوسپاعاندا، كارانتين جاريالانعان وڭىرلەر/قالالار اۋماعىنان شىعۋعا جانە ولارعا كىرۋگە تىيىم سالۋدى ەنگىزۋدى جانە ورىندالۋىن باقىلاۋدى قامتاماسىز ەتسىن.

5) مەديتسينالىق كورسەتىلىم بويىنشا ەكى ادامنان ارتىق ەمەس ادام ەرىپ جۇرگەندە كارانتين جاريالانعان وڭىرلەر/قالالار اۋماعىنا ازاماتتاردىڭ كەلۋىنە جانە شىعۋىنا رۇقسات بەرىلەدى. تەك ول ءۇشىن ءتيىستى قۇجاتتارى بولۋى كەرەك.

6) وسى قاۋلىعا 3-قوسىمشاعا سايكەس جەدەل شتابتار مەن ءتيىستى اۋماقتاعى باس مەملەكەتتىك سانيتار دارىگەردىڭ شەشىمى بويىنشا وڭىرلەر ىشىندەگى بلوكپوستتا سانيتارلىق- كارانتيندىك باقىلاۋدى ۇيىمداستىرۋدى؛

7) ىشكى ىستەر جانە قورعانىس مينيسترلىكتەرىنىڭ قىزمەتكەرلەرىن تارتا وتىرىپ، COVID-19 سىرقاتتانۋشىلىق تىركەلگەن اۋىلدىق ەلدى مەكەندەردى قورشاۋدى؛

8) ەكىنشى دەڭگەيدەگى بانكتەر، «قازپوچتا» اق بولىمشەلەرىنىڭ قىزمەتىن ونلاين جۇمىس رەجيمىنە جانە ەپيدەمياعا قارسى شارالاردى ساقتاي وتىرىپ «كليەنتتەرگە دەيىن جەتكىزۋ» پرينتسيپى بويىنشا كوشىرۋ ارقىلى شەكتەۋدى؛

9) مەنشىك نىسانىنا قاراماستان مەكتەپكە دەيىنگى بالالار مەكەمەلەرىنىڭ، قىزمەت كورسەتۋ سالاسى وبەكتىلەرىنىڭ قىزمەتىن توقتاتا تۇرۋدى؛

10) جارمەڭكەلەردىڭ، ازىق- تۇلىك، ازىق- تۇلىك ەمەس تاۋارلار بازارلارىنىڭ، اۆتوموبيل، كيىم- كەشەك، مال بازارلارى مەن ادامدار كوپ جينالاتىن باسقا دا وبەكتىلەردىڭ جۇمىسىن توقتاتا تۇرۋدى؛

11) قوعامدىق كولىكتىڭ جۇمىسىن توقتاتا تۇرۋدى جانە شەكتەۋدى؛

12) اۋىلدىق ەلدى مەكەندەر ىشىندە تۇرعىنداردىڭ ءجۇرىپ- تۇرۋىنا تىيىم سالۋدى ەنگىزۋدى؛

13) ءدىني وبەكتىلەردىڭ جۇمىسىن توقتاتا تۇرۋدى؛

14) وبلىستىڭ، قالالاردىڭ، اۋدانداردىڭ، اۋىلدىق ايماقتاردىڭ ىشىندە كوكتەمگى دالا جۇمىستارىن، تابيعاتتى قورعاۋ، ۆەتەريناريالىق، اۋىل شارۋاشىلىعى ءىس- شارالارىن جۇرگىزۋگە، سونداي- اق ارا شارۋاشىلىعىندا راستايتىن مەملەكەتتىك تىركەۋ كۋالىگىن (شارۋا قوجالىعى، فەرمەرلىك شارۋاشىلىق، جاۋاپكەرشىلىگى شەكتەۋلى سەرىكتەستىك، اۋىل شارۋاشىلىعى تاۋارىن ءوندىرۋشى، كرەديتتىك سەرىكتەستىك جانە شارۋاشىلىق جۇرگىزۋ قۇقىعىنداعى مەملەكەتتىك كوممۋنالدىق كاسىپورىن) ، جەكە كۋالىكتى، سونداي- اق جۇمىسكەرلەر ءۇشىن جۇمىس ورنىنان انىقتامانى (مورمەن كۋالاندىرىلعان ەركىن ۇلگىدەگى انىقتاما) ۇسىنعان كەزدە تارتىلعان ادامداردىڭ كولىكتەرىن قوسپاعاندا، جەكە كولىكتىڭ قوزعالىسىن شەكتەۋدى؛

15) تۇرعىلىقتى جەرى بويىنشا وتباسىلىق ءىس- شارالاردى وتكىزۋگە تىيىم سالۋدى؛

16) كارانتين كەزەڭىندە حالىقتىڭ تىنىس- تىرشىلىگىن قامتاماسىز ەتۋ وبەكتىلەرىنىڭ تىزبەسى مەن جۇمىس رەجيمىن ايقىنداۋدى؛

17) قىزمەتتىك مىندەتتەرىن اتقارۋىنا بايلانىستى وبلىس ورتالىقتارىنىڭ، قالالاردىڭ، اۋدانداردىڭ، اۋىلدىق ەلدى مەكەندەردىڭ اۋماعىندا ءجۇرىپ- تۇرۋعا رۇقسات ەتىلگەن ادامداردىڭ تىزبەسىن ايقىنداۋدى؛

18) كارانتين رەجيمىن ساقتامايتىن ادامداردى اكىمشىلىك جاۋاپكەرشىلىككە تارتۋدى ەنگىزۋدى جانە ورىندالۋىن باقىلاۋدى قامتاماسىز ەتسىن.

سوڭعى جاڭالىقتار