الماتىدا كوروناۆيرۋستى ەڭ كوپ ادامعا جۇقتىرعان 7 ناۋقاس بەلگىلى بولدى
بۇل تۋرالى ونلاين بريفينگ بارىسىندا قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ايزات مولداقاسىموۆا ايتتى، دەپ حابارلايدى قازاقپارات ءتىلشىسى. ونىڭ ايتۋىنشا، جۇرگىزىلگەن تالداۋلارعا سايكەس الماتىدا 7 ادامدا ك ۆ ي پاتوگەندى- اگرەسسيۆتى فورماسى انىقتالعان.
«ولار ەڭ كوپ ادامعا جۇقتىرعان. كوپشىلىگىنىڭ اۋرۋى ورتا دارەجەدە. ال قالعانى جەڭىل فورمادا ءوتىپ جاتىر. سونىمەن قاتار الماتىلىقتار اراسىندا سيمپتومى بىلىنبەي ءوتىپ جاتقاندار دا بولۋى مۇمكىن. سول ءۇشىن ءقازىر قالاداعى بارلىق جرۆي، تۇماۋ، وكپەنىڭ قابىنۋىمەن تۇسكەن ناۋقاستاردىڭ بارلىعىن كوروناۆيرۋس ينفەكتسياسىنا تەكسەرىپ جاتىرمىز. ەرەسەكتەر اراسىندا وسىنداي 1 جاعداي تىركەلدى. پنيەۆمونيامەن تۇسكەن ادامنان ينفەكتسيا تابىلدى. كەشە 13 بالا تەكسەرىلدى. ونىڭ 5 ىندە تالداۋ راستالمادى. قالعانى ءالى تەكسەرىلىپ جاتىر. 5 ناۋقاستىڭ 3-ىندە كوروناۆيرۋس ينفەكتسياسى اۋىرعان ادامداردان جۇققان بولسا، ەكى ادامنىڭ اۋرۋدى قالاي جۇقتىرعانى بەلگىسىز بولىپ وتىر»، - دەدى ايزات مولداقاسىموۆا.
دەپارتامەنت باسشىسى قالا تۇرعىندارىنا بەلگىلەنگەن 14 كۇن كارانتيندى سابىرمەن وتكىزۋگە شاقىردى.
«نە ءۇشىن ءبىز 14 كۇن دەپ الامىز؟ سەبەبى بۇل ينفەكسيانىڭ ينكۋباتسيالىق كەزەڭىنە سايكەس كەلەدى. بىزدە ءبىر ناۋقاس بولدى. 14 كۇن كارانتيندە جاتقاندا تەست ۇنەمى ۆيرۋس جوقتىعىن كورسەتىپ كەلىپ، 12-تاۋلىكتە ءبىر- اق كورىنىس بەرگەن. سوندىقتان، 14 كۇن شىداۋ كەرەك»، - دەدى ا. مولداقاسىموۆا.
اۆتور: گۇلميرا عوسمانالي