شەتەلدە جۇرگەن 7 مىڭنان استام قازاقستان ازاماتى ەلگە جەتكىزىلدى

نۇر- سۇلتان. قازاقپارات - كوروناۆيرۋس ينفەكتسياسىمەن كۇرەس كەزەڭىندە قازاقستاننىڭ 7 مىڭنان استام ازاماتى ەلگە جەتكىزىلدى، دەپ حابارلايدى قازاقپارات.

بۇل تۋرالى ق ر اقپارات جانە قوعامدىق دامۋ ءمينيسترى داۋرەن ابايەۆ مالىمدەدى. «مەملەكەتتىڭ ءوز ازاماتتارىنا دەگەن قامقورلىعى وسىنداي قيىن كەزدە كورىنەدى. پرەزيدەنتتىڭ تاپسىرماسىمەن، 18-ناۋرىزدان باستاپ، شەتەلدەگى 7702 قازاقستان ازاماتىن مەملەكەت ءوز كۇشىمەن ەلگە اكەلدى. مەملەكەت تاعى 752 ازاماتتى اكەلەدى. بۇل مەملەكەت باسشىسىنىڭ ەرەكشە باقىلاۋىنداعى ماسەلە»،- دەدى مينيستر «حابار 24» تەلەارناسىنداعى ونلاين بريفينگتە.