08:59, 30 - ناۋرىز 2020 | GMT +6
تالدىقورعاندا 7 بالالى وتباسىعا كاسىپكەر باسپانا سىيلادى
تالدىقورعان. قازاقپارات - تالدىقورعاندا 7 بالالى وكسانا سارىنوۆاعا كاسىپكەر باسپانا الىپ بەردى، دەپ حابارلايدى قازاقپارات ءتىلشىسى.
كوپبالالى انا تالدىقورعان قالاسىنا قاراستى مەرەكەلىك ساياجايىندا تۇرعان. قابىرعاسى قوپارىلىپ ءتۇسىپ، كوگەرىپ، قۇلاۋدىڭ ءسال الدىندا تۇرعان ءبىر بولمەلى ءۇي ولارعا پانا بولدى.
وكسانانىڭ ايتۋىنشا، ولاردىڭ تاماقتاناتىن دا، جاتاتىن دا جەرى سول ءبىر بولمە. ونىڭ ءوزىن جالداپ تۇرعان.
تالدىقورعان قالاسىنىڭ اكىمى عالىمجان ءابدىرايىموۆقا مۇشكىل حالىن جەتكىزگەن وكسانا ارمان ەتكەن باسپاناسىنا قول جەتكىزدى.
شاھار باسشىسى كوپبالالى اناعا كومەك قولىن سوزۋ ءۇشىن تالدىقورعاندىق كاسىپكەر قايرات مايليكوۆكە دەمەۋشىلىك قولداۋ كورسەتۋىن سۇراعان.
وسىلايشا، كاسىپكەر 7 بالالى وتباسىعا باسپانا سىيلادى.