+7 (701) 759 90 19
-1 °С : نۇر-سۇلتان
4 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

جاپون يمپەراتور اۋلەتى: ءسىز بىلمەيتىن 7 دەرەك

19 اقپان 20:45
:ءبولىسۋ
جاپون يمپەراتور اۋلەتى: ءسىز بىلمەيتىن 7 دەرەك

نۇر-سۇلتان. قازاقپارات - باتىس مونارحتارىمەن سالىستىرعاندا، جاپونيالىق يمپەراتور وتباسىنىڭ ءومىرى وتە ەرەكشە. ولاردىڭ ءومىر سالتى جۇمباق، ءار ۇساق- تۇيەككە مۇقيات قارايدى جانە عاسىرلار بويى قالىپتاسقان داستۇرلەرىن وتباسىنىڭ ءار مۇشەسى ەرەكشە قۇرمەتتەيدى.

الەمدەگى ەڭ كونە بيلەۋشى اۋلەتتىڭ وكىلدەرى سونىسىمەن دە قۇپياعا تولى. قىزىقتى قاراڭىز، پاتشا اۋلەتى مۇشەسىنىڭ رەسمي اتى - ونىڭ ومىرلىك ديەۆيزى. ال يمپەراتور وتباسىنا دۇنيەگە كەلگەن قىز ەشقاشان ەل باسقارا المايدى. يمپەراتور اتانۋ ءۇشىن ەركەك بولىپ تۋۋ كەرەك. باسقا جول جوق. ال جاپونيا يمپەراتور اۋلەتى تۋرالى باسقا دا قىزىقتى 7 دەرەكتى NewsRoom+ اقپارات اگەنتتىگىنىڭ ءتىلشىسى ارنايى تالداپ بەرەدى.

1. يمپەراتور - «قۇدايدىڭ» بالاسى

جاپوندار ەجەلگى اڭىزدارعا قاتتى سەنەدى. جاپونيا يمپەراتورلارى كۇن قۇدايى اماتەراسۋدىڭ تىكەلەي ۇرپاقتارى دەپ ەسەپتەيدى. ول جەردى مۇرا ەتىپ، كەيىن نەمەرەسى نينينگانى جاپونيا ارالدارىنا باسقارۋعا جىبەردى دەگەن سەنىممەن بىرنەشە عاسىردى وتكىزگەن. الايدا، ەكىنشى دۇنيەجۇزىلىك سوعىس يمپەريالىق وتباسىن قۇدايشىلدىقتان باس تارتۋعا ماجبۇرلەدى. قازىر بيلەۋشى - بۇل حالىق بىرلىگىنىڭ نىشانى دەپ قانا قابىلدانادى.

2. اكيحيتونىڭ تاقتان باس تارتۋى

2019 -جىلى الەم مويىن بۇرعان وقيعا ورىن الدى. جاپونيا يمپەراتورى اۋلەت تاريحىندا 200 جىل بويى بولماعان قادامعا بارىپ، تاقتان باس تارتتى. 83 جاستاعى اكيحيتو 1989 -جىلدان بەرى ەلدى باسقارىپ كەلگەن ەدى. ونىڭ بيلىكتەن باس تارتۋى - قارتتىعىنا بايلانىستى بولدى. ءبىر قىزىعى، جاپونيا كونستيتۋتسياسىنا سايكەس، مونارحتىڭ تاقتان كەتۋگە قۇقىعى جوق جانە ءومىر بويى ءوز مىندەتتەرىن ورىنداۋى كەرەك. ءبىراق حالىق پەن ۇكىمەت وزدەرىنىڭ يمپەراتورىنىڭ بۇل شەشىمىن وڭاي قابىلداپ، اكيحيتو بيلىكتى ۇلكەن ۇلى نارۋحيتوعا بەردى. زاڭ قابىلدانعاننان كەيىن اكيحيتو «تاساداعى يمپەراتور» اتاعىن الدى.

3. يمپەراتور وتباسىنىڭ ەلتاڭباسى - حريزانتەما

الەمدىك تۋريستەردى جاپونياعا تارتىپ تۇراتىن سۇلۋلىقتىڭ ءبىرى - ساكۋرا گۇلى. كوپتەگەن ادام ونى وسى ەلدىڭ رەسمي گۇلى، تيتۋلى دەپ ەسەپتەيدى. دەگەنمەن مۇنداي قۇرمەتتى اتاق يمپەراتور اۋلەتىنىڭ رەمي گۇلى - حريزانتەماعا تيەسىلى. 16 قوس جاپىراقشادان تۇراتىن التىن گۇل - يمپەراتور ءۇيىنىڭ سيمۆولى جانە ەمبلەماسى. بۇل گۇل مەملەكەتتىك رامىزدەردە دە قولدانىلادى. شامامەن 7 - عاسىردا العاش رەت يمپەراتور ميكادونىڭ پىشاعىندا حريزانتەمانىڭ سۋرەتى بەينەلەنگەن. كونە عاسىردان جەتكەن بۇل مۇرا سودان بەرى جاپونيانىڭ جوعارعى بيلەۋشىلەرىنىڭ ەمبلەماسى رەتىندە قاراستىرىلا باستادى.

4. جاپون بيلەۋشى اۋلەتى - الەمدەگى ەڭ كونە ديناستيا

ويتكەنى، دجيممۋ - جاپونيانىڭ العاشقى جەردەگى يمپەراتورى بولعان. ول ءبىزدىڭ زامانىمىزعا دەيىنگى 660 -جىلى ەل باسقارعان. بۇل اقپاراتتىڭ شىندىققا ەمەس، اڭىزعا جاقىن ەكەنىن ايتىپ قارسىلىق تانىتاتىندار دا بار. دەگەنمەن قاي مونارحيامەن سالىستىرعاندا دا جاپونيانىڭ يمپەراتور اۋلەتى ەڭ كونە وتباسى بولىپ شىعادى.

5. پاتشا اۋلەتى مۇشەلەرىنىڭ تەگى بولمايدى

ەگەر، پاتشا اۋلەتىنە كەلىن تۇسسە، ونىڭ قىز كۇنىندەگى تەگى اۆتوماتتى تۇردە جويىلادى. ال اجىراسقان جاعدايدا بۇرىنعى تەگى قايتارىلادى. يمپەراتور اۋلەتىنىڭ مۇشەلەرى تەك اتىمەن عانا شاقىرىلادى. ولاردى رەسمي تەك جوق.

6. ماساكو حانشايىم سوزىلمالى دەپرەسسيامەن اۋىرادى

ماساكو قازىرگى يمپەراتور نارۋحيتونىڭ ايەلى. جۋرناليستەر وعان «قايعىلى حانشايىم» دەگەن اتاق تاققان. ويتكەنى، ماساكو ۇزاق جىلداردان بەرى دەپرەسسيا مەن بەيىمدەلۋدىڭ بۇزىلۋ سيندرومىمەن اۋىرادى. بۇل جاعداي 1993 -جىلى، ۇيلەنگەننەن كەيىنگى ءبىرىنشى جىلى باستالدى. حالىق، مينيسترلەر كابينەتى، يمپەراتور اۋلەتى ەرلى- زايىپتىلاردان مۇراگەر كۇتتى. دەگەنمەن كۇتۋشىلەردىڭ سەنىمى اقتالمادى. حانشايىمنىڭ اياعى اۋىرلاعانىمەن، تۇسىك تاستايدى. ال اراعا 8 جىل سالىپ قانا دۇنيەگە ايكو ەسىمدى قىزدارى كەلەدى.

7. قاراپايىم ادامعا كۇيەۋگە شىعۋ ءۇشىن تاقتان باس تارتۋ قاجەت

ەگەر، پاتشا اۋلەتىنىڭ قىزى قاراپايىم اداممەن وتباسىن قۇرعىسى كەلسە، كۇيەۋبالا اقسۇيەك اۋلەتتىڭ مۇشەسى بولا المايدى. بۇل زاڭمەن قورعالاتىن دۇنيە. سوندىقتان، قالىڭدىققا ءوز اۋلەتى مەن اتاعىنان باس تارتۋعا تۋرا كەلەدى.

https://newsroom.kz/



باستى سوزدەر:
:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات