+7 (701) 759 90 19
-11 °С : نۇر-سۇلتان
-5 °С : الماتى
USD 376.16 EUR 406.18
RUB 5.90 CNY 53.60
جاڭالىقتار

قىز الىپ قاشقاندار 7 جىلعا باس بوستاندىعىن شەكتەۋ جازاسىنا كەسىلدى

23 قاڭتار 18:30
:ءبولىسۋ
قىز الىپ قاشقاندار 7 جىلعا باس بوستاندىعىن شەكتەۋ جازاسىنا كەسىلدى

تالدىقورعان. قازاقپارات - الماتى وبلىسىندا دوستارىنا قالىڭدىق الىپ قاشامىز دەپ باستارى داۋعا قالعان ءتورت اۋىلداسقا قاتىستى سوت شەشىمى شىعىپ، ولاردىڭ ۇزاق مەرزىمگە باس بوستاندىعى شەكتەلدى، دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، وقيعا 2019 -جىلدىڭ مامىر ايىندا بولعان. سارقان اۋدانىنىڭ 22 جاستاعى تۇرعىنى ۇيلەنۋ ماقساتىندا ءوزىنىڭ ەسكى تانىسىن الىپ قاشۋدى جوسپارلاعان. الىپ قاشۋ وپەراتسياسىنا اۋىلداس دوستارىن شاقىرعان. بارلىعى قالىڭدىقتىڭ كەلىسىمىمەن ىسكە اساتىنىنا سەنىمدى دوستارى وعان قارسى بولماعان.

دەگەنمەن، سارقان قالاسىنان قالىڭدىقتى الىپ قاشۋ بارىسىندا قىز بەن ۇيلەنۋشى جىگىتتىڭ اراسىندا ەشقانداي ءسوز بايلاسۋدىڭ جوق ەكەنى بەلگىلى بولادى. شاڭىراق كوتەرۋگە اسىققان دوستارى قالىڭدىعىن جەتكىزىپ بەرىپ، وزدەرى ۇيلەرىنە كەتەدى. ەركىنەن تىس اكەلگەن قالىڭدىقتى جەرگىلىكتى ۋچاسكەلىك پوليتسيا ينسپەكتورى قۇتقارىپ، ۇيىنە امان- ەسەن جەتكىزگەن.

«سارقان اۋدانىنىڭ پوليتسياسىنا ەركىنەن تىس ادام ۇرلاۋ دەرەگى بويىنشا حابار ءتۇستى. ايتقان ۋاجدەرىن تىڭداماعان جىگىتتەردىڭ جىبەرمەيتىنىن تۇسىنگەن قالىڭدىق امالىن تاۋىپ، ىشكى ىستەر ورگاندارىنا حابار بەرەدى. زارداپ شەگۋشى تاراپىنان پوليتسياعا ارىز ءتۇستى. دەرەك بويىنشا ق ر قىلمىستىق كودەكستىڭ 125-بابىنا سايكەس ءىس قوزعالىپ، قىلمىستىڭ ءمان- جايى انىقتالدى»، - دەپ حابارلادى وبلىستىق پ د باسپا ءسوز قىزمەتى.

جاقىندا سارقان اۋدانىنىڭ سوتى «سۇيىكتىسىن» الىپ قاشقان ارەكەتى ءساتسىز شىققان 22 جاستاعى تۇرعىن مەن ونىڭ زاڭسىز ارەكەتىنە قولداۋ بەرگەن ءۇش دوسى قىلمىس جاساعاندىعى ءۇشىن كىنالى دەپ تانىلىپ، جەتى جىل باس بوستاندىعىن شەكتەۋ جازاسىنا كەسىلدى.

اۆتور: سامال قابىشيەۆا


باستى سوزدەر: زاڭ جانە قۇقىق ,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات