+7 (701) 759 90 19
-7 °С : نۇر-سۇلتان
-2 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

پاۆلوداردا 7-سىنىپ وقۋشىسى بەس ءتىل مەڭگەرگەن

26 جەلتوقسان 08:57
:ءبولىسۋ
پاۆلوداردا 7-سىنىپ وقۋشىسى بەس ءتىل مەڭگەرگەن

پاۆلودار. قازاقپارات - رۋسلان قۋانوۆ قازاق، اعىلشىن، قىتاي، ورىس جانە فرانسۋز ءتىلىن تولىق مەڭگەرگەن، دەپ حابارلايدى قازاقپارات.

«دارىندى بالا - بەلگىلى ءبىر قىزمەتتە، سالادا ءوزىنىڭ جارقىن، ايقىن، كەرەمەت جەتىستىكتەرىمەن ەرەكشەلەنەتىن بالا. ءدال وسىنداي بالا وبلىستىق دارىندى بالالارعا ارنالعان كوپسالالى ليتسەي-ينتەرناتىندا وقيدى، - دەپ حابارلادى پاۆلودار وبلىستىق ءبىلىم باسقارماسى. - جەتىنشى «ب» سىنىبىنىڭ وقۋشىسى رۋسلان قۋانوۆ ءوزىنىڭ تۋابىتكەن قابىلەت-دارىنىنىڭ ارقاسىندا جاستايىنان شەت تىلدەرىن ۇيرەنۋدە جوعارى ناتيجە كورسەتكەن. قازىرگى ۋاقىتتا رۋسلان بەس ءتىلدى - قازاق، اعىلشىن، قىتاي، ورىس جانە فرانسۋز تىلدەرىن جەتىك مەڭگەرىپ، جەتىلدىرۋدە».

ول بەس جاسىندا-اق اعىلشىن ءتىلىن ۇيرەنە باستاعان. بۇگىندە كەز كەلگەن تاقىرىپتا ەركىن سويلەسۋگە مۇمكىندىك بەرەتىن Upper- Intermediate دەڭگەيىن يەگەرگەن، دەپ اتاپ ءوتتى وبلىستىق ءبىلىم بەرۋ باسقارماسى.

«التى جاسىنان باستاپ رۋسلان قىتاي ءتىلىن ۇيرەنۋگە قىزىعۋشىلىق تانىتقان جانە قازىر ءتورتىنشى دەڭگەيگە جەتتى. قىتاي ءتىلىن ۇيرەنۋگە دەگەن قۇشتارلىعىنىڭ ارقاسىندا رۋسلان قىتايعا ەكى رەت بارىپ كەلگەن. قىتاي ءتىلىن ۇيرەنۋ قىزىق بولعانى سونشا، ول 2014-جىلى العاش رەت ءۇرىمشى قالاسىنا تۋريست بولىپ باردى، - دەپ اتاپ ءوتتى باسقارما. - ال 2015-جىلى ول تسينداو قالاسىنا ءتىل ۇيرەنۋدەگى ماشىعىن دامىتۋ ءۇشىن ساپار شەككەن. رۋسلان وبلىستىق قىتاي ءتىلى وليمپياداسىندا ەكى رەت جوعارى ناتيجە كورسەتكەن».

ءتىلدى جاقسى ءبىلۋى رۋسلانعا جوعارى ليگا قۇرامىندا وليمپياداعا قاتىسۋعا مۇمكىندىك بەردى. وقۋشى جوعارى سىنىپ وقۋشىلارىمەن تەڭ دارەجەدە ەكىنشى جانە ءۇشىنشى ورىنداردى يەلەندى. پاۆلودار وبلىستىق دارىندى بالالارعا ارنالعان كوپسالالى مەكتەپ-ينتەرنات ستۋدەنتتەر اراسىنداعى قىتاي ءتىلى وليمپياداسىنىڭ باستاماشىسى بولدى.

«رۋسلاننىڭ دارىنى تەك ءتىل ۇيرەنۋدە عانا كورىنبەيدى، ول سونىمەن قاتار ماتەماتيكا جانە حيميا سياقتى ناقتى عىلىمدارعا دا قىزىعۋشىلىق تانىتادى. بۇل پاندەرگە دەگەن قۇشتارلىعى ونى ءبىراز جەتىستىكتەرگە جەتكىزگەن. ءتورتىنشى سىنىپتان باستاپ «زەردە» عىلىمي جوبالار بايقاۋىنا قاتىسىپ، جۇلدەلى ءبىرىنشى، ەكىنشى ورىندارعا يە بولدى. ول ءوز جۇمىسىندا شەت تىلدەرىن ۇيرەنۋدىڭ ماڭىزى تۋرالى ماسەلە كوتەردى جانە بۇل تەك باستاماسى عانا» دەلىنگەن حابارلامادا.

كەيىن سول جارىستا، ءبىراق قولدانبالى ماتەماتيكا باعىتىندا ول «گرافيكا كومەگىمەن ەسەپتەردى شەشۋ» جوباسىمەن ەكىنشى ورىن الدى. ر. قۋانوۆ جاراتىلىستانۋ-ماتەماتيكا پاندەرى بويىنشا ءوز ءبىلىمىن كورسەتتى، ول بەسىنشى-التىنشى سىنىپ وقۋشىلارى اراسىندا وتكەن وبلىستىق وليمپيادادا ءبىرىنشى جانە ەكىنشى ورىنداردى يەلەنگەن.

«جوعارىدا اتالعان بارلىق جەتىستىكتەرى ءۇشىن رۋسلان قۋانوۆتىڭ ەسىمى «ءبىلىم سالاسىنداعى ۇزدىكتەر» اتتى ۇلكەن حالىقارالىق ەنتسيكلوپەدياعا ەنگەن. بۇل ەنتسيكلوپەدياعا ت م د بارلىق ايماقتارىنان كەلگەن وقۋشىلار مەن ۇستازداردىڭ ەسىمدەرى كىرگەن. رەداكتسياسى ماسكەۋدە ورنالاسقان»، - دەپ اتاپ ءوتتى ءبىلىم باسقارماسى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات