قازاقستاندا 7 مىڭنان استام ادامنىڭ ازاماتتىعى جوق – ءى ءى م
«ىشكى ىستەر مينيسترلىگىنىڭ مالىمەتى بويىنشا شەتەلدىكتەردىڭ قازاقستاننىڭ كوشى- قون زاڭناماسىن 2016-2018 -جىلدارى بۇزۋ ديناميكاسى تۇتاستاي العاندا وزگەرگەن جوق. سونىمەن قاتار، ازاماتتىعى جوق ادامداردىڭ كوشى- قون زاڭناماسىن بۇزۋ ديناميكاسى ەداۋىر بۇزىپ وتىر. ستاتيستيكا كورسەتىپ وتىرعانداي، ەگەر 2016-2018 -جىلدارى ازاماتتىعى جوق ادامدار سانى 1,2 ەسەگە عانا ۇلعايعان بولسا، ازاماتتىعى جوق ادامدار جاساعان بۇزۋشىلىقتاردىڭ سانى 4,5 ەسەگە وسكەن»، - دەدى ب. مامىرايەۆ.
وسىعان بايلانىستى ول ق ر ءى ءى م وكىلىنەن ازاماتتىعى جوق ادامدار جاساعان بۇزۋشىلىقتاردىڭ وسۋىنە قاتىستى، سونداي- اق مينيسترلىك بۇزۋشىلىقتاردىڭ جولىن كەسۋ ءۇشىن قانداي شارالار قابىلداپ جاتقاندىعىن سۇرادى.
ءوز كەزەگىندە ق ر ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ ستاتيستيكا بويىنشا 2016-2019 -جىلدار ارالىعىندا كوشى- قون زاڭناماسىن بۇزعان ادامدار سانى ازايىپ بارا جاتقانىن اتاپ ءوتتى.
«ءبىراق جاڭاعى ازاماتتىعى جوق ادامداردىڭ زاڭ بۇزۋى ستاتيستيكا بويىنشا ازداپ وسكەن. ونىڭ سەبەبىنە توقتالساق، بىزدە قازىر ەلىمىزدە 7 مىڭنان استام ازاماتتىعى جوق ادامدار بار. بۇل كىسىلەردىڭ جاسايتىن زاڭ بۇزۋشىلىقتارى نەگىزىنەن قازاقستاندا تىركەۋسىز تۇرۋى، كۋالىكتەرىنىڭ كۇشى جويىلعان نەمەسە كۋالىگىن جوعالتۋىنا قاتىستى. ياعني، مۇنىڭ بارلىعى ءبىز جۇرگىزگەن رەيدتىك جانە تەكسەرىس شارالارى كەزىندە انىقتالعان قۇقىق بۇزۋشىلىقتار. دەگەنمەن، بۇل فاكتىلەر كوشى- قون احۋالى جاعدايىنىڭ ناشارلاۋىنا ىقپال ەتپەيدى»، - دەدى مارات قوجايەۆ.
اۆتور رۋسلان عابباسوۆ