+7 (701) 759 90 19
11 °С : نۇر-سۇلتان
12 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

ءجيى قاجەت بولاتىن 7 ءدارى

9 جەلتوقسان 22:20
:ءبولىسۋ
ءجيى قاجەت بولاتىن 7 ءدارى

نۇر-سۇلتان.قازاقپارات - اۋىرىپ ەم ىزدەگەنشە، اۋىرماۋدىڭ جولىن ىزدەڭىزدەر. اۋىرا قالساڭىزدار، مىنا دارىلەر جانىڭىزدان تابىلسىن.

1. پاراتسەتامول

پاراتسەتامول - الەمدەگى ەڭ ايگىلى ءدارى. بۇل ءدارى نەگىزىندە پانادول، ەففەرالگان سەكىلدى بىرنەشە ءدارى شىعارىلادى. پاراتسەتومول باس، ءتىس اۋرۋىن باساتىن، سونىمەن قاتار قىزۋدى تۇسىرەتىن ءدارىنىڭ ءتۇرى. ونى كىشكەنتاي بالالار دا، ەرەسەكتەر دە تۇتىنۋعا بولادى. الايدا ول باۋىرى اۋىراتىن ادامدارعا كەرى اسەرىن تيگىزەدى.

2. ءىش وتسە - لوپەراميد

ىشكە بۇل ءدارىنىڭ اسەرى يموديۋمنەن كەم ەمەس. ەسەسىنە باعاسى وعان قاراعاندا الدەقايدا ارزان. ەگەر ءىشىڭىز قاتتى وتسە، لوپەراميدتىڭ 4 مگ تۇتىنىڭىز. ءبىر ەسكەرتە كەتەتىن جايت، 5 جاسقا تولماعان بالالارعا 2 م گ ارتىق ىشۋگە بولمايدى.

3. اعزا تىتىركەنسە (اللەرگيا) - ديازولين

بۇل بارىمىزگە بەلگىلى ەريۋس دارىسىنەن كەم تۇسپەيدى. اللەرگياعا قارسى تۇرادى جانە ءىش اۋرۋلارىنىڭ الدىن الادى. بۇل ءدارىنىڭ ارنايى كىشكەنتاي بالالارعا ارنالعان ءتۇرى دە بار.

4. تىنىشتاندىرۋ ءۇشىن - ۆالەريانكا

ۆالەريانكانى قاراپايىم حالىق بۇرىننان بەرى قولدانىپ كەلەدى. دارىگەر مامانداردىڭ ايتۋى بويىنشا، ونىڭ ادام دەنساۋلىعىنا تيگىزەر پايداسى مول. ءبىراق 12 جاسقا تولماعان بالالارعا ىشۋگە بولمايدى.

5. جۇرەك اۋىرسا - نيتروگليتسەرين

بۇل جۇرەك اۋرۋىن باساتىن ءدارى. سونىمەن قاتار قان تامىرلارىن كەڭەيتىپ، قان اعىسىن جاقسارتادى. جۇرەك قىسپاسى كەزىندە دە جانىڭىزدا بولعانى دۇرىس. الايدا بۇل ءدارىنىڭ ءبىر كەمشىن تۇسى - باس اۋرۋىنا اكەلىپ سوقتىرۋى ابدەن مۇمكىن.

6. قان قىسىمى كوتەرىلسە - پاپازول

بۇل ءدارىنى كوبىنە ستەنوكارديا مەن گيپەرتونيا اۋرۋلارىنا شالدىققان ادام ىشەدى. پاپازولدى 2-3 كۇندە 1 تابلەتكاسىن ىشسە جەتكىلىكتى. 12 جاسقا جەتپەگەن بالالارعا بەرۋگە بولمايدى.

7. ۋلانىپ قالعان جاعدايدا - بەلسەندىرىلگەن كومىر

بۇل الەمدەگى ەڭ تانىمال دارىلەردىڭ ءبىرى. ىشەك- قارىن جولدارىن تازالاۋعا كومەكتەسەدى. ءبىراق وزىڭىزبەن بىرگە 2 بۋماسىن الىپ ءجۇرۋىڭىز قاجەت. سەبەبى بۇل ءدارىنى سالماعىڭىزعا قاراي ىشەسىز (10 ك گ - 1 تابلەتكا) .


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات