09:50, 03 - جەلتوقسان 2019 | GMT +6
قىزىلوردادا جولاۋشىلار اۆتوبۋسى اۋدارىلىپ، 7 ادام اجال قۇشتى
نۇر- سۇلتان. قازاقپارات - بۇگىن « قىزىلوردا- قۇمكول» تاسجولىندا جولاۋشىلار اۆتوبۋسى اۋدارىلدى، دەپ حابارلايدى قازاقپارات ق ر ءى ءى م ت ج ك باسپا ءسوز قىزمەتىنە سىلتەمە جاساپ.
«3 - جەلتوقساندا ساعات 05:25-تە « قىزىلوردا- قۇمكول» تاسجولىندا جولاۋشىلار اۆتوبۋسىنىڭ جۇرگىزۋشىسى كوكتايعاق سالدارىنان ءرۋلدى باسقارا الماي، كولىك اۋدارىلىپ قالعان» دەلىنگەن ت ج ك تاراتقان حابارلامادا.
مالىمەتكە ساي، اۆتوبۋستا 35 جولاۋشى بولعان. اپاتتان 7 ادام اجال قۇشقان، ونىڭ ءبىرى اۋرۋحاناعا اپارا جاتقان جولدا جان تاپسىرعان.
اۆتوبۋس «قۇمكول- قىزىلوردا» باعىتىندا كەتىپ بارا جاتقان.
وقيعا قىزىلوردادان 85 شاقىرىم قاشىقتىقتا بولعان. قىزىلوردا وبلىستىق ت ج د بازاسىندا جەدەل شتاب ۇيىمداستىرىلدى. (7242) 700328 تەلەفوندارى بويىنشا جەدەل جەلى اشىلدى.
وقيعا ورنىندا ت ج د جەكە قۇرامىنىڭ 13 ادامى مەن 4 تەحنيكاسى، پوليتسيا قىزمەتىنىڭ 6 قىزمەتكەرى مەن 2 تەحنيكاسى، جەدەل جاردەم قىزمەتىنىڭ 12 قىزمەتكەرى مەن 4 تەحنيكاسى جۇمىس ىستەپ جاتىر.